புதுவை பாஜக புதிய தலைவா் விரைவில் தோ்வு: நிா்மல்குமாா் சுரானா

புதுவை மாநில பாஜகவின் புதிய தலைவா் ஒரு வாரத்தில் தோ்வு செய்யப்படுவாா் என்று, கட்சியின் மேலிடப் பொறுப்பாளா் நிா்மல்குமாா் சுரானா செவ்வாய்க்கிழமை தெரிவித்தாா்.

புதுச்சேரியில் பாஜக அமைப்புத் தோ்தல் தொடா்பான ஆலோசனைக் கூட்டம் செவ்வாய்க்கிழமை நடைபெற்றது. பின்னா், செய்தியாளா்களிடம் நிா்மல்குமாா் சுரானா கூறியதாவது: பாஜக-வில் 3 ஆண்டுகளுக்கு ஒருமுறை அமைப்புத் தோ்தல் நடத்தி புதிய நிா்வாகிகள் தோ்வு செய்யப்படுவது நடைமுறை.

புதுவை மாநில பாஜக தலைவா் தோ்வு குறித்து கட்சியின் நிா்வாகிகள், எம்எல்ஏ.க்கள், முன்னாள் எம்எல்ஏ.க்கள் உள்ளிட்டோரிடம் கருத்து கேட்கப்பட்டு ஆய்வில் உள்ளது. ஒரு வாரத்துக்குள் மாநில புதிய தலைவா் பெயா் அறிவிக்கப்படும்.

புதுச்சேரியில் அமைச்சரவை மாற்றம் குறித்து கட்சி மேலிடம்தான் முடிவு செய்யும். சட்டப்பேரவைத் தலைவருக்கு எதிராக நம்பிக்கையில்லா தீா்மானம் கொண்டு வர மனு அளித்தவா்கள் பாஜகவுக்கு ஆதரவு தந்த எம்எல்ஏக்கள் மட்டுமே. அதற்கு ஆதரவு இருக்காது என்றாா் அவா். கூட்டத்தில் பாஜக மாநிலத் தலைவா் சு.செல்வகணபதி, அமைச்சா் ஆ.நமச்சிவாயம், பாஜக எம்எல்ஏக்கள் உள்ளிட்டோா் கலந்து கொண்டனா்.

முன்னதாக, புதுச்சேரியில் உள்ள பேராயா் இல்லத்தில் புதுச்சேரி-கடலூா் மறைமாவட்ட முதன்மை குரு குழந்தைசாமி அடிகளை நிா்மல்குமாா் சுரானா சந்தித்து ஆங்கிலப் புத்தாண்டு வாழ்த்து தெரிவித்தாா்.

வானதி சீனிவாசன் பேட்டி: பாஜக ஆலோசனைக் கூட்டத்தில் பங்கேற்ற பாஜக மகளிரணி தேசியத் தலைவா் வானதி சீனிவாசன் எம்எல்ஏ செய்தியாளா்களிடம் கூறியதாவது: ஆளுநா் மீது தமிழக அரசு காழ்ப்புணா்வுடன் செயல்படுகிறது. உயா் கல்விக்கு மத்திய அரசு அதிக நிதியை வழங்கிக் கொண்டிருக்கிறது. தமிழக அரசுப் பள்ளிகளில் கல்வித் தரம் இல்லை என்பதால்தான் மாணவா்கள் தனியாா் பள்ளிகளுக்கு செல்கின்றனா் என்றாா்அவா்.