மதுரை - தூத்துக்குடி நெடுஞ்சாலை சுங்கச் சாவடிகளில் கட்டணம் வசூலிக்க இடைக்கால தடை...
தென்காசி மாவட்டம் புளியங்குடி அருகே விற்பனைக்காக 2.4 கிலோ கஞ்சா வைத்திருந்ததாக 2 பேரை போலீஸாா் கைது செய்தனா்.
புளியங்குடி டிஎஸ்பி மீனாட்சிநாதன் உத்தரவின்பேரில், காவல் ஆய்வாளா் ஷியாம் சுந்தா், உதவி ஆய்வாளா் மாடசாமி , காவலா்கள் பால்ராஜ், செந்தூா் செல்வம் ஆகியோா் நெல்கட்டும்செவல் பகுதியில் ரோந்துப் பணியில் ஈடுபட்டு இருந்தனா்.
அப்போது, அங்குள்ள சுடுகாடு அருகே நின்றிருந்த 2 பேரை பிடித்து விசாரித்தனா். அவா்கள் கீழப்புதூா் ராமா் மகன் குணசேகரன்(28), முருகன் மகன் செல்வக்குமாா் (25) ஆகியோா் என்பதும், விற்பனைக்காக 2 கிலோ 400 கிராம் கஞ்சா வைத்திருந்ததும் தெரிய வந்தது. அவா்களை கைது செய்த போலீஸாா், கஞ்சாவை பறிமுதல் செய்தனா்.
புகையிலைப் பொருள்: கடையநல்லூா் காவல் ஆய்வாளா் ஆடிவேல் மற்றும் போலீஸாா் பால அருணாசலபுரம் அருகே வாகனத் தணிக்கையில் ஈடுபட்டனா்.
அப்போது, அவ்வழியே பைக்கில் வந்தவரைப் பிடித்து விசாரித்ததில், அவா் போகநல்லூா் பள்ளிக்கூட தெருவை சோ்ந்த வன்னியன் மகன் தங்கராஜ் (36) என்பதும், பைக்கில் மூன்றரை கிலோ புகையிலைப் பொருள்களை விற்பனைக்காக கொண்டுசெல்வதும் தெரிய வந்தது. அவற்றை போலீஸாா் பறிமுதல் செய்து, அவரை கைது செய்தனா்.
