பெண்ணுக்கு போதிய பாதுகாப்பை வழங்க சென்னை உயா்நீதிமன்ற மதுரை அமா்வு செவ்வாய்க்கிழமை உத்தரவிட்டது.
மதுரை மாவட்டம், திருமங்கலம் காமராஜபுரத்தைச் சோ்ந்த அட்சயா தேவி, உயா்நீதிமன்ற மதுரை அமா்வில் தாக்கல் செய்த மனு: நான் பி.இ. பட்டதாரி. என்னுடைய உறவினா் மனோஜ். நாங்கள் இருவரும் சிறு வயதில் இருந்து பழகி வந்தோம். திருமணம் செய்து கொள்ள முடிவு செய்தோம்.
இதனால் மனோஜுக்கு அவரது பெற்றோா் அவசரமாக திருமணம் செய்து வைத்தனா். ஆனால் அவா்கள் சோ்ந்து வாழாமல் விவாகரத்து வழக்கு தாக்கல் செய்தனா்.
இப்போது மனோஜை நான் திருமணம் செய்து கொள்ள முடிவு செய்துள்ளேன். இந்த நிலையில், எனது முடிவுக்கு என் பெற்றோா் எதிா்ப்பு தெரிவித்து வேறொருவருடன் திருமணம் செய்து வைக்க ஏற்பாடு செய்து வருகின்றனா். இதற்கு நான் மறுத்ததால் எனது உறவினரும், திருப்பரங்குன்றம் முருகன் கோயில் அறநிலையத் துறை கண்காணிப்பாளராகப் பணியாற்றி வரும் நந்தினி என்பவரும் என்னை கடுமையாக தாக்கினா்.
கடந்த 5-ஆம் தேதி திருப்பரங்குன்றம் சுப்பிரமணிய சுவாமி கோயில் இந்து அறநிலையத் துறை அலுவலகத்தில் என்னை அடைத்து வைத்த நந்தினி, தனக்கு உயா் அதிகாரிகள் பலா் பழக்கம். அதனால் எனது முடிவை மீறினால் கடும் விளைவை சந்திக்க நேரிடும் என மிரட்டி அங்கும் என்னை தாக்கினா். மறுநாள் அங்கிருந்து நான் தப்பி, நண்பா்களிடம் அடைக்கலம் புகுந்தேன். என் தந்தை, உறவினா் நந்தினியிடம் நான் சிக்கினால் ஆணவக் கொலை செய்து விடுவா். எனக்கு போலீஸ் பாதுகாப்பு வழங்க உத்தரவிட வேண்டும் என அவா் கோரினாா்.
இந்த வழக்கு உயா்நீதிமன்ற நீதிபதி சுந்தா் மோகன் முன் செவ்வாய்க்கிழமை விசாரணைக்கு வந்தது. அப்போது, மனுதாரா் தரப்பில் முன்னிலையான வழக்குரைஞா் மனுதாரா் உயிருக்கு அச்சுறுத்தல் ஏற்பட்டுள்ளது. இந்த சூழ்நிலையை கருத்தில் கொண்டு அவருக்கு போலீஸ் பாதுகாப்பு வழங்குவது அவசியம் எனத் தெரிவித்தாா்.
இதையடுத்து, நீதிபதி பிறப்பித்த உத்தரவு : மனதாரருக்கு காவல் துறை தரப்பில் போதிய பாதுகாப்பை வழங்க வேண்டும். வழக்கு முடித்து வைக்கப்படுகிறது என்றாா் நீதிபதி.
