அழகர்கோவிலுக்கு திரும்பிய கள்ளழகர்; தசாவதார நிகழ்ச்சிகளை காண இரவில் குவிந்த மக்க...
கள்ளக்குறிச்சி மாவட்டம், சங்கராபுரத்தில் தேசியமயமாக்கப்பட்ட வங்கி முன் செவ்வாய்க்கிழமை நிறுத்தப்பட்டிருந்த பைக் பெட்டியிலிருந்து ரூ.55 ஆயிரத்தை மா்ம நபா்கள் திருடிச் சென்றனா்.
சங்கராபுரம் வட்டம், எஸ்.கொளத்தூா் கிராமத்தைச் சோ்ந்த சக்கரை மகன் ஜெயச்சந்திரன் (50). இவா், தனது வீட்டுக்கு டைல்ஸ் வாங்குவதற்க்காக பைக் பெட்டியில் ரூ.55 ஆயிரத்தை வைத்துக்கொண்டு சங்கராபுரத்துக்கு பைக்கில் சென்றாா்.
அங்குள்ள தேசியமயமாக்கப்பட்ட வங்கி முன் பைக்கை நிறுத்திவிட்டு சிறிது நேரம் கழித்து வந்து பாா்த்தபோது, பைக் பெட்டியை உடைக்கப்பட்டிருந்ததும், அதில் வைத்திருந்த ரூ.55 ஆயிரத்தை மா்ம நபா்கள் திருடிச் சென்றிருந்ததும் தெரியவந்தது.
இதுகுறித்த புகாரின்பேரில், சங்கராபுரம் போலீஸாா் வழக்குப் பதிந்து மா்ம நபா்களைத் தேடி வருகின்றனா்.
