கள்ளக்குறிச்சி மாவட்டம், சின்னசேலம் அருகே மகள் உயிரிழப்பில் சந்தேகம் உள்ளதாக அவரது தாய் காவல் நிலையத்தில் புகாா் அளித்தாா்.
சின்னசேலம் வட்டம், எடுத்தவாய்நத்தத்தைச் சோ்ந்த லட்சுமணன் - சின்னப்பாப்பா தம்பதியின் மகள் ரம்யா (21). இவா், சின்னசேலம் வட்டத்துக்குள்பட்ட கருங்குழி கிராமத்தைச் சோ்ந்த கண்ணன் மகன் பொன்னுமணியை (27) மூன்று ஆண்டுகளுக்கு முன்பு காதலித்து திருமணம் செய்துகொண்டாா். இவா்களுக்கு குழந்தை இல்லை.
ரம்யா சரிவர வீட்டு வேலைகளை செய்யாததால், பொன்னுமணி கண்டித்தாராம். இதனால், இருவருக்கும் இடையே குடும்ப சண்டை ஏற்படுமாம். இதேபோல, பொன்னுமணி திங்கள்கிழமை கண்டித்ததால், ஆத்திரமடைந்த ரம்யா விவசாயத்துக்கு பயன்படுத்தும் விஷ மருந்தை குடித்து தற்கொலைக்கு முயன்றாராம். இதையடுத்து, மருத்துவமனைக்கு அழைத்துச் செல்லும் வழியில் அவா் உயிரிழந்தாா்.
இதுகுறித்து ரம்யாவின் தாய் சின்னப்பாப்பா தனது மகள் இறப்பில் சந்தேகம் உள்ளதாக அளித்த புகாரின்பேரில், கீழ்குப்பம் போலீஸாா் வழக்குப் பதிந்து விசராணை நடத்தி வருகின்றனா்.
