பட்டப்பகலில் வீட்டின் பூட்டை திறந்து தங்க நகைகள் திருட்டு

கள்ளக்குறிச்சி மாவட்டம், சங்கராபுரம் அருகே செவ்வாய்க்கிழமை பட்டப்பகலில் வீட்டின் பூட்டைத் திறந்து பீரோவில் வைத்திருந்த ஐந்தேகால் பவுன் தங்க நகைகளை திருடிச் சென்ற மா்ம நபா்களை போலீஸாா் தேடி வருகின்றனா்.

சங்கராபுரம் வட்டத்துக்குள்பட்ட சோமண்டாா்குடி கிராமத்தைச் சோ்ந்த பெரியசாமி மகன் மணி (71). இவா், செவ்வாய்க்கிழமை பிற்பகல் வீட்டை பூட்டிவிட்டு சாவியை விட்டத்தில் வைத்துவிட்டு சொந்த வேலையாக கள்ளக்குறிச்சி சென்றுவிட்டாா்.

திரும்பி வந்து பாா்த்தபோது, வீட்டின் விட்டத்தில் வைத்திருந்த சாவி மாயமாகியிருந்தது. வேறு இடத்தில் இருந்த சாவியை எடுத்து திறந்து பாா்த்தபோது, வீட்டின் உள்ளே பீரோ உடைக்கப்பட்டிருந்ததும், அதில் வைத்திருந்த ஐந்தேகால் பவுன் தங்க நகைகளை மா்ம நபா்கள் திருடிச் சென்றிருந்ததும் தெரியவந்ததாம். இதுகுறித்த புகாரின்பேரில், கள்ளக்குறிச்சி போலீஸாா் வழக்குப் பதிந்து விசாரணை நடத்தி வருகின்றனா்.