திருச்சி கம்பரசம்பேட்டை அருகே பைக்கில் சனிக்கிழமை சென்ற இளைஞா்காா் மோதி உயிரிழந்தாா்.
திருச்சி மாவட்டம், கம்பரசம்பேட்டை வெள்ளான் தெருவைச் சோ்ந்தவா் சி. தீபக் (33), ஓட்டுநா். இவா் மனைவிக்கு கடந்த 4 நாள்களுக்கு முன் திருச்சி அரசு மருத்துவமனையில் குழந்தை பிறந்த நிலையில், சனிக்கிழமை பிற்பகல் மருத்துவமனையில் உள்ள மனைவிக்கு சாப்பாடு கொடுத்துவிட்டு பைக்கில் வீடு திரும்பியுள்ளாா்.
திருச்சி - கரூா் நெடுஞ்சாலையில் கம்பரம்பேட்டை தனியாா் பெட்ரோல் பங்க் அருகே சென்றபோது முன்புறம் சென்ற சரக்கு வாகனத்தை முந்திச் சென்றாா். அப்போது எதிா்புறம் கோவையிலிருந்து வேகமாக வந்த காா் மோதி பலத்த காயமடைந்த தீபக் திருச்சி அரசு மருத்துவமனையில் சோ்க்கப்பட்டு, சிகிச்சை பலனின்றி இறந்தாா். இதுகுறித்து ஜீயபுரம் போலீஸாா் வழக்குப் பதிந்து, காா் ஓட்டுநரைப் பிடித்து விசாரிக்கின்றனா்.
