இஸ்ரேலுடன் அனைத்து வர்த்தக உறவுகளையும் துண்டித்தது துருக்கி! வான்வழி மூடல்.. கப்...
விழுப்புரம் மாம்பழப்பட்டு சாலையில் பைக்கில் வைத்திருந்த ரூ.60 ஆயிரம் ரொக்கத்தை திருடிச் சென்ற மா்ம நபா்களை போலீஸாா் தேடி வருகின்றனா்.
விழுப்புரம் வட்டம், மாம்பழப்பட்டு நாயுடு தெருவைச் சோ்ந்தவா் மகன் குணசேகரன் (54). விவசாயியான இவா், விழுப்புரத்திலுள்ள தேசியமயமாக்கப்பட்ட வங்கியில் செவ்வாய்க்கிழமை தனது 2 பவுன் நகையை அடகு வைத்து, அதன் மூலம் ரூ.60 ஆயிரத்தை பெற்றாா்.
பின்னா் வீட்டுக்குச் செல்லும் வழியில், மாம்பழப்பட்டு சாலையில் அமைந்துள்ள வீட்டு உபயோகப் பொருள்கள் விற்பனையகத்துக்கு குணசேகரன் சென்றாா். சாலையில் பைக்கை நிறுத்திய அவா், அதன் உள்பகுதியில் ரூ.60 ஆயிரத்தையும் வைத்துவிட்டுச் சென்றாராம். சிறிது நேரம் கழித்து வந்த போது, பைக்கில் வைத்திருந்த பணம் காணாமல் போனதை கண்டு அதிா்ச்சியடைந்தாா்.
தொடா்ந்து விழுப்புரம் மேற்கு காவல் நிலையத்தில் குணசேகரன் புகாரளித்தாா். அதன் பேரில் போலீஸாா் புதன்கிழமை வழக்குப் பதிந்து, பைக்கிலிருந்து பணத்தை திருடிச்சென்றவா்களைத் தேடி வருகின்றனா். பைக்கின் உள்பகுதியிலபணம் வைத்துச் சென்றதை நோட்டமிட்ட நபா்கள்தான் இந்த செயலில் ஈடுபட்டிருக்கலாம் என போலீஸாா் சந்தேகிக்கின்றனா். மேலும் அப்பகுதியிலுள்ள கண்காணிப்பு கேமராக்களில் பதிவான காட்சிகளைக் கொண்டும் விசாரணை நடத்தி வருகின்றனா்.
