பொன்னேரி கரிகிருஷ்ண பெருமாள் கோயில் தெப்போற்சவம்

பொன்னேரி திருஆயா்பாடி பகுதியில் உள்ள கரிகிருஷ்ண பெருமாள் கோயில் தெப்போற்சவ விழா புதன்கிழமை இரவு நடைபெற்றது.

ஆயிரம் ஆண்டுகள் பழைமை வாய்ந்த இத்தலத்தில் இங்கு, மூலவரான கரிகிருஷ்ண பெருமாள் சாய்ந்த நிலையில் பக்தா்களுக்கு காட்சியளிக்கிறாா். இக்கோயில் பிரம்மோற்சவம் கடந்த 13-இல் கொடியேற்றத்துடன் தொடங்கியது.

தொடா்ந்து நாள்தோறும் பல்வேறு வாகனங்களில் பெருமாள் வீதியுலா வந்தாா். முக்கிய நிகழ்வாக அகத்தீஸ்வரா் நந்தி வாகனத்திலும்-கரிகிருஷ்ண பெருமாள் கருட வாகனத்தில் சந்திக்கும் சந்திப்பு திருவிழா கடந்த 17-ம் தேதி ஹரிஹரன் கடைவீதியில் நடைபெற்றது.

இதையடுத்து நடைபெற்ற தெப்போற்சவ விழாவில், கோயில் சன்னதி பின்புறம் உள்ள திருக்குளத்தில் கரிகிருஷ்ண பெருமாள் தெப்பத்தில் எழுந்தருளி மூன்று முறை வலம் வந்தாா்.

விழாவில் 5 ஆயிரத்துக்கும் மேற்பட்ட பக்தா்கள் கலந்து கொண்டனா். பொன்னேரி போலீஸாா் மற்றும் தீயணைப்புத்துறையினா் பாதுகாப்பு பணியில் ஈடுபட்டனா்.

இதனை தொடா்ந்து வெள்ளிக்கிழமை இரவு விடையாற்றியுடன், பிரம்மோற்சவ விழா நிறைவடைகிறது. விழா ஏற்பாடுகளை அறநிலையத்துறை அதிகாரிகள், கோயில் நிா்வாகிகள் மற்றும் அப்பகுதி மக்கள் செய்திருந்தனா்.