பொறியியல் பட்டதாரிகள் தொழில்முனைவோராக மாறுங்கள்! -முன்னாள் டிஜிபி சைலேந்திரபாபு

பொறியியல் பட்டதாரிகள் வேலை தேடுவதை கைவிட்டு தொழில் முனைவோராக மாறுங்கள் என தமிழக முன்னாள் டிஜிபி சி.சைலேந்திரபாபு பேசினாா்.

அரக்கோணம் ஸ்ரீ கிருஷ்ணா பொறியியல் கல்லூரி பட்டமளிப்பு விழா ஞாயிற்றுக்கிழமை நடைபெற்றது. விழாவில் மாணவ, மாணவிகளுக்கு பட்டங்களை வழங்கி முன்னாள் டிஜிபி சி.சைலேந்திரபாபு பேசியது:

பட்டம் வாங்கிய அனைவருமே முதலில் நீங்கள் வாங்கிய பட்டத்துக்கு மதிப்பு கொடுங்கள். இந்த பட்டம் உங்கள் முயற்சியினால் மட்டுமே பெறப்பட்டது அல்ல. பெற்றோா், ஆசிரியா் முயற்சியினாலும் பெறப்பட்டது என்பதை தெரிந்து கொள்ளுங்கள்.

தொழில்நுட்ப அறிவு பெற்று விட்ட நீங்கள் இனி உலகத்தின் எந்த மூலைக்கு சென்றாலும் மதிப்பு இருக்கும். நீங்கள் பெற்றுள்ள திறமையின் மூலம் உங்களை நீங்களே முன்னேற்றிக் கொள்ள முடியும். தினமும் செய்தித் தாள்களை படியுங்கள். அன்றாட நாட்டு நடப்பை தெரிந்து கொள்ளுங்கள்.

கிடைத்தது சின்ன வேலையாக கிடைத்தாலும் அதில் அக்கறை காட்டுங்கள். நீங்கள் காட்டும் அக்கறையால் அந்த நிறுவனம் உங்களை நம்பியிருக்கும் நிறுவனமாக மாற வேண்டும். அப்படி மாறினால் நீங்கள் கேட்கும் ஊதியம் கிடைக்கும். பொறியியல் பட்டதாரிகள் வேலை தேடுவதை கைவிட்டு தொழில்முனைவோராக மாறுங்கள் என்றாா் சைலேந்திரபாபு.

விழாவுக்கு ஸ்ரீகிருஷ்ணா கல்விக்குழுமத் தலைவா் டி.ஆா்.சுப்பிரமணியம் தலைமை வகித்தாா். செயலா் டி.எஸ்.ரவிக்குமாா் வரவேற்றாா். 520 மாணவ மாணவியா் பட்டங்களை பெற்றுக் கொண்டனா்.

இதில் ஸ்ரீகிருஷ்ணா பொறியியல் கல்லூரி டீன் பி.கற்பகவள்ளி, முதல்வா் ஆா்.அருண்பிரசாத், குழும மேலாளா் குமாா், மக்கள் தொடா்பு அலுவலா் சீனிவாசன், நிா்வாக அலுவலா் சுரேஷ், மேலும் அரிமா சங்க நிா்வாகி பி.டி.ராஜேந்திரன் உள்ளிட்ட பலா் பங்கேற்றனா்.