போக்குவரத்து தொழிலாளா்களை அரசு ஊழியா்களாக்க வேண்டும்: அமைச்சா் சிவசங்கரிடம் தொழிற்சங்கங்கள் வலியுறுத்தல்

போக்குவரத்து தொழிலாளா்களை அரசு ஊழியா்களாக்க வேண்டும் என போக்குவரத்துத் துறை அமைச்சா் சா.சி.சிவசங்கரிடம் தொழிற்சங்கங்கள் வலியுறுத்தியுள்ளன.

போக்குவரத்து தொழிலாளா்களுக்கான 15-ஆவது ஊதிய ஒப்பந்தம் தொடா்பான முதல்கட்ட பேச்சுவாா்த்தை வியாழக்கிழமை நடைபெற்ற நிலையில், 2-ஆம் கட்ட பேச்சுவாா்த்தை சென்னை குரோம்பேட்டையில் உள்ள மாநகரப் போக்குவரத்துக் கழக பயிற்சி மையத்தில் வெள்ளிக்கிழமையும் நடைபெற்றது.

அமைச்சா் சா.சி.சிவசங்கா் தலைமையில் நடைபெற்ற பேச்சுவாா்த்தையில் துறைச் செயலா் க.பணீந்திர ரெட்டி, ஊதிய ஒப்பந்த பேச்சுவாா்த்தை குழுவின் உறுப்பினா் செயலரும், கூட்டுநருமான த.பிரபு சங்கா் உள்ளிட்ட அதிகாரிகளும், 74 தொழிற்சங்கங்களைச் சோ்ந்த நிா்வாகிளும் பங்கேற்றனா்.

சுமாா் 4 மணி நேரம் நடைபெற்ற இந்தப் பேச்சுவாா்த்தையில், ஒவ்வொரு சங்கத்தினருக்கும் 15 நிமிஷங்கள் பேச வாய்ப்பளிக்கப்பட்டது. அப்போது, பெருவாரியான சங்கங்களைச் சோ்ந்த நிா்வாகிகள், போக்குவரத்து தொழிலாளா்களை அரசு ஊழியா்களாக்க நடவடிக்கை எடுக்க வேண்டும் என்ற கோரிக்கையை முன்வைத்தனா். மேலும், ஊழியா்களுக்கு வழங்கப்படும் தண்டனைகளைக் குறைக்க வேண்டும் என்பன உள்ளிட்ட கோரிக்கைகள் குறித்து வலியுறுத்தி பேசினா்.

அமைச்சா் விளக்கம்: பேச்சுவாா்த்தைக்கு பின் செய்தியாளா்களிடம் அமைச்சா் சா.சி.சிவசங்கா் கூறியது:

ஊதிய ஒப்பந்தத்தை விரைந்து முடிக்க வேண்டும் என தொழிற்சங்கங்கள் கோரியுள்ளன. இது தொடா்பாக முதல்வா் அலுவலகத்தில் விவாதிக்கப்படும். சில கோரிக்கைகளை நிதித் துறையுடன் விவாதிக்க வேண்டியிருக்கிறது. சிலவற்றை முதல்வா் கவனத்துக்கும் கொண்டு சென்று எவற்றை நிறைவேற்ற முடியுமோ, அவற்றை நிறைவேற்ற நடவடிக்கை எடுக்கப்படும். இது தொடா்பாக அடுத்த கட்டமாக அனைத்து சங்கங்களையும் ஒருசேர அழைத்து பேச்சுவாா்த்தை நடத்தப்படும். அதன் பிறகு ஊதிய ஒப்பந்தம் நிறைவேற்றுவதற்கான நடவடிக்கை எடுக்கப்படும் என்றாா் அவா்.