புதுச்சேரி: சுட்டீஸ்களை கவரும் 'பறவைகள் மற்றும் வனவிலங்குகள் உலகம்' கண்காட்சி | ...
கடந்த டிசம்பா் மாதத்தில் போக்குவரத்து விதிமீறல் தொடா்பாக ரூ.20.5 லட்சம் அபராதம், வரி வசூலிக்கப்பட்டது என வாணியம்பாடி வட்டார போக்குவரத்து அலுவலா் ராமகிருஷ்ணன் தெரிவித்தாா்.
அவா் மேலும் கூறியது: திருப்பத்தூா் மாவட்ட ஆட்சியா் தா்ப்பகராஜ் உத்தரவின் பேரில் வட்டார போக்குவரத்து அலுவலா் ராமகிருஷ்ணன் தலைமையில் மோட்டாா் வாகன ஆய்வாளா்கள் வெங்கட்ராகவன் (வாணியம்பாடி), அமா்நாத்(ஆம்பூா்) கொண்ட குழு வாகன சோதனையில் ஈடுபட்டனா்.
இதில் தகுதிச் சான்று, காப்பு சான்று, ஓட்டுநா் உரிமம் இல்லாமல் வாகனத்தை இயக்குதல், கனரக வாகனத்தில் அனுமதிக்கப்பட்ட எடை அளவை விட அதிகம் பாரம் ஏற்றப்பட்ட வாகனத்தை இயக்குதல், மேலும் ஆம்னி பேருந்துகளுக்கு வழங்கப்பட்ட அனுமதி சீட்டின் நிபந்தனைகளை மீறல் தொடா்பாக 176 வாகனங்களுக்கு சோதனை அறிக்கை வழங்கப்பட்டு, இதில் 21 வாகனங்கள் சிறைபிடிக்கப்பட்டு அபராத தொகையாக ரூ.7.6 லட்சமும், வரி செலுத்தாத வாகனங்களுக்கு வரியாக ரூ.13.43 லட்சமும் என மொத்தம் ரூ.20.50 லட்சம் வசூலிக்கப்பட்டது எனத் தெரிவித்தாா்.
