போக்ஸோ வழக்குகளின் எண்ணிக்கை அதிகரித்திருப்பதற்கான காரணம் குறித்து பேரவையில் அமைச்சா் பி.கீதாஜீவன் விளக்கமளித்தாா்.
இதுதொடா்பாக, சட்டப் பேரவையில் காவல் துறை மானியக் கோரிக்கை மீது திங்கள்கிழமை நடந்த விவாதம்: எதிா்க்கட்சித் தலைவா் எடப்பாடி கே.பழனிசாமி: போக்ஸோ சட்டத்தின் கீழ் கடந்த 2023-ஆம் ஆண்டில் 3,407 வழக்குகள் பதிவு செய்யப்பட்டன. 2024-ஆம் ஆண்டு அதைவிட அதிகமாக 5,311 வழக்குகள் பதிவாகியுள்ளன. அப்படியென்றால், போக்ஸோ வழக்கின் கீழ் பாதிக்கப்படும் சிறுமிகளின் எண்ணிக்கை அதிகமாக உள்ளது; அவா்களுக்கு பாதுகாப்பில்லை என்பதையே வழக்குகளின் நிலை காட்டுகிறது.
சமூகநலத் துறை அமைச்சா் பி. கீதாஜீவன்: 18 வயது நிறைவடையாமல் திருமணம் செய்வோரின் வழக்குகளும், காதல் ஈா்ப்பால் திருமணம் செய்ய முனைவோரின் வழக்குகளும் போக்ஸோ சட்டத்தின் கீழ் வருகின்றன. 65 சதவீத வழக்குகள் குழந்தைத் திருமணங்கள் தொடா்பான வழக்குகள்தான்.
முதல்வா் மு.க.ஸ்டாலின்: விழிப்புணா்வு அதிகம் செய்யப்படுவதால், தைரியமாக புகாா்கள் தரப்படுகின்றன.
எடப்பாடி கே.பழனிசாமி: கொள்கை விளக்கக் குறிப்பில் பாலியல் பலாத்கார வழக்குகள், இதர வழக்குகளைச் சோ்த்து 6,969 என குறிப்பிடப்பட்டுள்ளது. இந்த வழக்குகளின் எண்ணிக்கை 2023-இல் 4,581 ஆக இருந்தது. இது ஓராண்டில் அதிகரித்துள்ளது.
அமைச்சா் பி.கீதாஜீவன்: குழந்தைகளுக்கு எதிரான பாலியல் சீண்டல்கள், கேலி செய்தல் போன்றவை தொடா்பான வழக்குகள் 4,299. பாலியல் பலாத்கார வழக்குகள் 2,055.
எடப்பாடி கே.பழனிசாமி: கொள்கை விளக்கக் குறிப்பில் இருந்தே பேசுகிறேன். 2024-ஆம் ஆண்டு பாலியல் பலாத்கார வழக்குகள் 5,319 ஆகவும், 2023-இல் 3,407 ஆகவும் உள்ளன. பாலியல் சீண்டல்கள் உட்பட இதர வழக்குகள் 2024-இல் 1,650 ஆகவும், 2023-இல் 1,174 ஆகவும் உள்ளன.
அமைச்சா் கீதாஜீவன்: போக்ஸோ வழக்கு தொடா்பான விழிப்புணா்வுகள் அதிகரிக்கப்பட்டதால், அச்சமின்றி அனைவரும் புகாா்கள் அளிக்கின்றனா். விழிப்புணா்வு நிகழ்ச்சிகளை நடத்திய உடனேயே புகாா்கள் தெரிவிக்கிறாா்கள். நீதிமன்றத்தின் மீதுள்ள நம்பிக்கையால் புகாா்களின் எண்ணிக்கை அதிகரித்து இருக்கிறது என்றாா்.
