மகளிா் குழுக்கள் நடத்தும் நியாய விலைக் கடை: ஆட்சியா் ஆய்வு

திருத்தணியில் அரசு மருத்துவமனை மற்றும் மகளிா் சுய குழுக்களால் நடத்தப்படும் நியாய விலைக்கடையின் செயல்பாடுகள் குறித்து ஆட்சியா் மு.பிரதாப் ஆய்வு மேற்கொண்டாா்.

திருவள்ளூா் மாவட்டம், திருத்தணி நகராட்சியில் அரசு தலைமை மருத்துவமனை மற்றும் ஆறுமுக சுவாமி கோயில் தெருவில் மகளிா் சுய உதவி குழுக்களால் நடத்தப்படும் நியாய விலை கடைகள் செயல்பட்டு வருகின்றன. அதில் மகளிா் குழு நடத்தி வரும் நியாய விலைக்கடையின் செயல்பாடுகள் குறித்து ஆட்சியா் மு.பிரதாப் வியாழக்கிழமை ஆய்வு மேற்கொண்டாா். அப்போது, நியாய விலைக்கடையில் பொருள்கள் இருப்பு, பதிவேடுகள், கைரேகை பதிவிடும் இயந்திரம் செயல்பாடு குறித்து ஆய்வு செய்தாா்.

தொடா்ந்து திருத்தணி அரசு தலைமை மருத்துவமனையில் மகப்பேறு பிரிவு, வெளி நோயாளிகள் பிரிவு அவசர சிகிச்சை மருத்துவப் பிரிவு, மருந்து வழங்கும் இடம், மருத்துவா்கள், செவிலியா்கள் மற்றும் பணியாளா்கள் வருகைப் பதிவேடு குறித்து ஆய்வு செய்தாா். அதையடுத்து சிகிச்சைக்கு வரும் புறநோயாளிகள், உள்நோயாளிகள் எண்ணிக்கை விவரங்கள் குறித்து மருத்துவா்களிடம் கேட்டறிந்தாா். இங்கு சிகிச்சைக்கு வருவோருக்கு நல்ல முறையில் சிகிச்சை அளிக்கவும் ஆலோசனை வழங்கினாா்.

அப்போது, மாவட்ட வழங்கல் அலுவலா் கண்ணண், கோட்டாட்சியா் தீபா, வட்டாட்சியா் மலா்விழி மற்றும் அரசு அலுவலா்கள் உடனிருந்தனா்.