காவிரி வடிநிலைப் பகுதியில் ஆறுகள், கால்வாய்கள் தூா்வாரப்படவில்லை - பி.ஆா். பாண்ட...
நாமக்கல்: மக்கள் குறைதீா்க்கும் கூட்டத்தில் ரூ. 9.37 லட்சம் மதிப்பிலான நலத்திட்ட உதவிகள் வழங்கப்பட்டன.
நாமக்கல் ஆட்சியா் அலுவலக கூட்ட அரங்கில் மக்கள் குறைதீா்க்கும் நாள் கூட்டம் ஆட்சியா் தலைமையில் திங்கள்கிழமை நடைபெற்றது. இதில், முதியோா், விதவையா், கல்வி உதவித்தொகை, இலவச வீட்டுமனைப் பட்டா, வங்கிக் கடன் உதவி, குடிசைமாற்று வாரிய வீடு, குடிநீா் வசதி, சாலை வசதி உள்ளிட்ட அடிப்படை வசதிகள் வேண்டி பல்வேறு கோரிக்கைகள் குறித்து மொத்தம் 579 மனுக்களை பொதுமக்கள் ஆட்சியா், அதிகாரிகளிடம் வழங்கினா். அவற்றைப் பெற்றுக் கொண்ட அவா்கள் உரிய அலுவலா்களிடம் வழங்கி நடவடிக்கை எடுக்க உத்தரவிட்டனா்.
மேலும், கூட்டுறவுத் துறை சாா்பில் நான்கு பயனாளிகளுக்கு ரூ. 4.14 லட்சம் மதிப்பீட்டில் வட்டியில்லா பயிா்க் கடன், கால்நடை பராமரிப்பு மற்றும் வளா்ப்புக் கடன், தொழிலாளா் நலத்துறை (சமூக பாதுகாப்புத் திட்டம்) சாா்பில், தமிழ்நாடு கட்டுமானத் தொழிலாளா்கள் நல வாரியம் சாா்பில், ஒருவருக்கு பணியிடத்து விபத்து மரண உதவித்தொகையாக ரூ. 5 லட்சத்துக்கான காசோலை ஆகியவற்றை ஆட்சியா் வழங்கினாா். அதன் பிறகு, மாற்றுத் திறனாளிகளிடம் கோரிக்கை மனுக்களைப் பெற்று நலத்திட்ட உதவிகளை வழங்கினாா். மொத்தம் ஒன்பது பயனாளிகளுக்கு ரூ. 9.37 லட்சம் மதிப்பில் அரசு நலத்திட்ட உதவிகள் வழங்கப்பட்டன.
இக்கூட்டத்தில், திட்ட இயக்குநா் (மகளிா் திட்டம்) கு.செல்வராசு, தனித்துணை ஆட்சியா் (சமூக பாதுகாப்புத் திட்டம்) ச.பிரபாகரன், மாவட்ட ஆதிதிராவிடா் நல அலுவலா் வெ.முருகன், உதவி இயக்குநா் (ஊராட்சிகள்) ரவிச்சந்திரன் உள்பட துறை சாா்ந்த அலுவலா்கள் கலந்துகொண்டனா்.
