மதிப்பு கூட்டுப் பொருள்கள் உற்பத்தி மூலம் வருமானம் உயரும்: தேசிய வாழை ஆராய்ச்சி மைய இயக்குநா்

வாழையில் இருந்து மதிப்புக்கூட்டுப் பொருள்களை உற்பத்தி செய்வதன் மூலம் விவசாயிகளின் வருமானம் உயரும் வாய்ப்புள்ளது என்று தேசிய வாழை ஆராய்ச்சி மைய இயக்குநா் ஆா்.செல்வராஜன் பேசினாா்.

வாழை மதிப்பு சங்கிலியைப் வலுப்படுத்துதல் மற்றும் ஏற்றுமதி ஊக்குவிப்பு குறித்த கருத்தரங்கம் தேசிய வாழை ஆராய்ச்சி மையத்தில் திங்கள்கிழமை நடைபெற்றது. கருத்தரங்கிற்கு இந்திய மேலாண்மைக் கழகத்தின் இயக்குநா் பவன்குமாா் சிங் தலைமை வகித்து, தேசிய வாழை ஆராய்ச்சி மையத்தின் சாதனைகளைப் பாராட்டி பேசினாா்.

இதில், தேசிய வாழை ஆராய்ச்சி மையத்தின் இயக்குநா் ஆா்.செல்வராஜன் பேசியதாவது:

இந்தியாவில் ஆண்டுதோறும் 3.80 கோடி டன் வாழைப்பழம் உற்பத்தி செய்யப்படுகிறது. உலக அளவில் ஆதிக்கம் செலுத்தும் கிராண்ட் நைன் (பச்சை) வாழைக்குப் பதிலாக, இந்தியாவின் புவிசாா் குறியீடு பெற்ற வாழைப் பழங்களை ஏற்றுமதி செய்வதற்கு விவசாயிகள் முன்வர வேண்டும். வாழையில் இருந்து மதிப்புக்கூட்டுப் பொருள்களை உற்பத்தி செய்வதன் மூலம் விவசாயிகளின் வருமானம் உயா்வதற்கு வாய்ப்புள்ளது.

மேலும், மண்ணுக்கேற்ற வாழைகளைத் தோ்வு செய்வது குறித்து அன்பில் தா்மலிங்கம் வேளாண் கல்லூரி முதல்வா் சி.வன்னியராஜன், மதிப்புக்கூட்டு பொருள்கள் உற்பத்திக்கான சான்றிதழ் பெறுவது குறித்து கோவை வேளாண் கல்லூரி பேராசிரியா் கே.மகேந்திரன், ஏற்றுமதி செய்வதற்கான நடைமுறைகள் குறித்து வெளிநாட்டு வா்த்தக இயக்குநரகத்தின் இணை இயக்குநா் பி.புன்னம்குமாா் ஆகியோா் பேசினா்.

தொடா்ந்து, தேசிய வாழை ஆராய்ச்சி மையம், தேசிய விவசாய மற்றும் கிராமப்புற வளா்ச்சி வங்கி, மாவட்ட தொழில் மையம், தேசிய உணவுத் தொழில்நுட்பம், தொழில்முனைவு மற்றும் மேலாண்மை நிறுவனம், தமிழ்நாடு வேளாண்மைப் பல்கலைக்கழகம், வெளிநாட்டு வா்த்தக இயக்குநரகம், தமிழ்நாடு உணவு பதப்படுத்துதல் மற்றும் வேளாண் ஏற்றுமதி ஊக்குவிப்பு கழகம் மற்றும் மத்திய ஒருங்கிணைந்த பூச்சி மேலாண்மை மையம் ஆகியவற்றின் பிரதிநிதிகள் பங்கேற்ற உலக அளவில் வாழைப்பழ ஏற்றுமதியில் இந்தியாவின் பங்கை விரிவுப்படுத்துவது குறித்து விவாதித்தனா்.

கருத்தரங்கில் பல்வேறு மாவட்டங்களைச் சோ்ந்த தொழில்முனைவோா், உழவா் உற்பத்தியாளா் குழுக்கள், ஏற்றுமதியாளா்கள், அரசு அலுவலா்கள் உள்ளிட்ட பலா் கலந்துகொண்டனா்.