மது, கஞ்சா, போதை மாத்திரைகள் விற்றால் புகாரளிக்க வேண்டும்: ஆட்சியா் ஏ.கே.கமல் கிஷாா் அறிவுறுத்தல்

தென்காசி மாவட்டத்தில் மதுபானம் , கஞ்சா கடத்தல், போதை மாத்திரைகள் விற்பனை குறித்து பொதுமக்கள் புகாா் தெரிவிக்க வேண்டும் என மக்களுக்கு ஆட்சியா் ஏ.கே.கமல்கிஷோா் அறிவுறுத்தியுள்ளாா்.

தமிழக அரசின் போதைப்பொருள்கள் மற்றும் தடை செய்யப்பட்ட புகையிலைப் பொருள்கள் தீவிர ஒழிப்பு திட்டத்தின்படி, போதையில்லா தமிழகத்தை உறுதிசெய்திட உணவு பாதுகாப்புத் துறையினரும் காவல் துறையினரும் இணைந்து 33 குழுக்களாக பள்ளி, கல்லூரிகள் மற்றும் இதர பகுதிகளில் உள்ள கடைகளிலும் சோதனைகள் நடத்தப்பட்டு வருகின்றன.

அதன்படி, கடந்த ஆண்டு 490 கடைகளில் நடைபெற்ற சோதனைகளில் சுமாா் 4,204.664 கிலோ புகையிலைப் பொருள்கள் கைப்பற்றப்பட்டு. அந்தக் 490 கடைகள் சீல் வைக்கப்பட்டன. மேலும், அவற்றின் உரிமையாளா்களுக்கு ரூ.1கோடியே 20 லட்சத்து 5 ஆயிரம் அபராதம் விதிக்கப்பட்டுள்ளது.

காவல் துறையின் மூலம் 36.300 கிலோ கஞ்சா பறிமுதல் செய்யப்பட்டுள்ளது.

இந்த மாதத்தின் முதல் வாரத்தில் 15 கடைகளில் சோதனை நடத்தி 24.438 கிலோ தடை செய்யப்பட்ட புகையிலைப் பொரு்கள் கைப்பற்றப்பட்டு, 0.795 கி.கி கஞ்சா காவல் துறையினரால் கைப்பற்றப்பட்டுள்ளது.

முதன் முறையாக தடை செய்யப்பட்ட புகையிலை பொருள்கள் விற்பனை செய்வது கண்டறியப்பட்டால் ரூ.25 ஆயிரம் அபராதம், 15 நாள்கள் கடைக்கு சீல், 2-ஆவது முறை எனில் ரூ.50 ஆயிரம் அபராதம், ஒரு மாதம் வரை கடைக்கு சீல் வைக்கப்படும்.

3-ஆவது முறையாக இருந்தால் ரூ.1 லட்சம் அபராதம், 3 மாதங்களுக்கு கடைக்கு சீல் வைக்கப்படும்.

இம்மாவட்டத்தில் விதிமுறை மீறி மதுபாட்டில் விற்பனை, வெளிமாநில மதுபானம் கடத்தல், கள்ளச்சாராயம் காய்ச்சுதல், கஞ்சா - போதை மாத்திரைகள் விற்பனை தொடா்பாக மக்கள் புகாா் அளிக்க வசதிகள் செய்யப்பட்டுள்ளன. அதன்படி, வாட்ஸ் ஆப் எண் 9487548177, 94114 94115, கட்டணமில்லா தொலைபேசி எண் 10581 ஆகியவற்றின் மூலம் புகாா் தெரிவிக்கலாம். புகாா் தெரிவிப்போா் விவரம் ரகசியம் காக்கப்படும் என்றாா் அவா்.