இந்தியா நியமித்த ஆலோசனைக் குழுத் தலைவா் டிரம்ப்புடன் சந்திப்பு!
ஈரோட்டில் டாஸ்மாக் கடை விடுமுறை தினத்தில் மது விற்றதாக 5 பெண்கள் உள்பட 13 பேரை கைது செய்த போலீஸாா் அவா்களிடம் இருந்து 276 மதுபுட்டிகளை பறிமுதல் செய்தனா்.
ஈரோடு மாவட்டத்தில் மீலாது நபியையொட்டி வெள்ளிக்கிழமை அனைத்து டாஸ்மாக் கடைகள், தனியாா் பாா்களுக்கு விடுமுறை அறிவிக்கப்பட்டிருந்தது. இதைப் பயன்படுத்தி மாவட்டத்தில் சட்டவிரோதமாக மதுபுட்டிகளை பதுக்கி வைத்து கூடுதல் விலைக்கு விற்பனை செய்வோா் மீது நடவடிக்கை எடுக்க ஈரோடு மாவட்ட காவல் கண்காணிப்பாளா் அ.சுஜாதா, மதுவிலக்கு மற்றும் சட்டம்- ஒழுங்கு போலீஸாருக்கு உத்தரவிட்டிருந்தாா்.
இதன்பேரில் மாவட்டம் முழுவதும் போலீஸாா் தீவிர ரோந்து பணியில் ஈடுபட்டிருந்தனா். இதில், சட்ட விரோதமாக மது விற்பனையில் ஈடுபட்டதாக மாவட்டத்தில் 5 பெண்கள் உள்பட 13 பேரை போலீஸாா் கைது செய்து, அவா்களிடம் இருந்து 276 மதுபுட்டில்களை பறிமுதல் செய்தனா். மேலும், பொது இடத்தில் மது குடித்து மக்களுக்கு இடையூறு செய்ததாக கோபி சின்னமொடச்சூரைச் சோ்ந்த கோடீஸ்வரன் (41) என்பவரையும் கோபி போலீஸாா் கைது செய்தனா்.
