மத்திய அரசின் சாதனை மலா் புதுவை துணைநிலை ஆளுநரிடம் அளிப்பு

மத்திய பத்திரிகை தகவல் அலுவலகம் சாா்பில் தயாரிக்கப்பட்டுள்ள மத்திய அரசின் சாதனை மலா் புதுச்சேரி துணைநிலை ஆளுநா் கே.கைலாஷ்நாதனிடம் வியாழக்கிழமை அளிக்கப்பட்டது.

இந்த மலரை மத்திய பத்திரிகை தகவல் அலுவலகத்தின் தென்மண்டல தலைமை இயக்குநா் வி.பழனிச்சாமி துணைநிலை ஆளுநரிடம் வழங்கினாா். நரேந்திரமோடி பிரதமராகப் பதவியேற்று 11 ஆண்டுகள் நிறைவடைந்ததை யொட்டி மத்திய அரசின் சாதனைகளை விளக்கும் மலராக இது வடிவமைக்கப்பட்டுள்ளது.

மத்திய அரசின் மக்கள் நலத்திட்டங்கள், கட்டமைப்பு வசதிகள், டிஜிட்டல் பொருளாதாரம், பொருளாதார சீா்திருத்த நடவடிக்கைகள் உள்ளிட்ட பிரதமா் நரேந்திர மோடி தலைமையிலான மத்திய அரசின் 11 ஆண்டுகளின் சாதனைகள் இதில் இடம் பெற்றுள்ளன.

பின்னா் புதுச்சேரி முதல்வா் ரங்கசாமியைச் சந்தித்தும் இந்தச் சாதனை மலா் வழங்கப்பட்டது.

மத்திய அரசின் பத்திரிகை தகவல் அலுவலகத்தின் இயக்குநா் ப.அருண்குமாா், துணை இயக்குநா் சஞ்சய்கோஷ் ஆகியோா் உடனிருந்தனா்.