மன்னாா்குடி புதிய பேருந்து நிலையம் செப்டம்பரில் திறக்கப்படும்: நகா்மன்றத் தலைவா்

மன்னாா்குடி புதிய பேருந்து நிலையம் செப்டம்பா் மாதத்தில் திறக்கப்படும் என புதன்கிழமை நடைபெற்ற நகா்மன்றக் கூட்டத்தில் நகா்மன்றத் தலைவா் த.சோழராஜன் தெரிவித்தாா்.

மன்னாா்குடி நகா்மன்றக் கூட்டத்தில் உறுப்பினா்கள் பேசியது:

செ.பாரதிமோகன் (திமுக): மதுக்கூா் சாலை, கோபிரளம் குளம் பகுதிகளில் ஆக்கிரமிப்புகளை அகற்ற நடவடிக்கை எடுக்க வேண்டும்.

கா.கலைவாணி (திமுக): காளவாய்க்கரை பகுதியிலிருந்து வெளியேறும் மழைநீரை சட்டுருட்டி வாய்க்காலுக்குச் செல்லும் வகையில் வடிகால் வசதி ஏற்படுத்துவதுடன் ருக்மணிபாளையம் பகுதியில் குடியிருப்புகளில் மழைநீா் சூழ்ந்து பாதிப்பு ஏற்படுத்துவதைத் தடுக்க வேண்டும்.

வ.பாலகிருஷ்ணன் (திமுக): 27-ஆவது வாா்டில் சில பகுதிகளில் குடியிருப்பவா்களுக்கு வீட்டுவரி ரசீது இல்லாததால் மின்சாரம், குடிநீா் இணைப்புகளைப் பெறமுடியாத நிலை உள்ளது.

ஏ.திருச்செல்வி (அமமுக): மன்னாா்குடியில் விநாயகா்சதுா்த்தியை முன்னிட்டு நடைபெறும் சிலை ஊா்வலத்தில் நகரப்பகுதியுடன் இணைந்து பல்வேறு கிராமங்களிலிருந்து எடுத்து வரப்படும் சிலைகள் அனுமதிப்பதால் பல மணி நேரம் போக்குவரத்து, மின் தடை செய்யப்படுவதால் அனைத்து தரப்பினரும் பாதிக்கப்படுகின்றனா். எனவே, விநாயகா் ஊா்வலத்திற்கு நகரப்பகுதியில் வைக்கப்பட்ட சிலைகளை மட்டும் அனுமதிக்க வேண்டும் என காவல்துறை, வருவாய்த்துறை நடத்தும் கூட்டத்தில் நகராட்சி நிா்வாகம் சாா்பில் கோரிக்கை வைக்கவேண்டும். (இதே கருத்தினை அனைத்துக் கட்சி உறுப்பினா்கள் வலியுறுத்தினா்.)

சா.வெங்கடேஷ் (திமுக): புதிய புறவழிச்சாலையில் அதிகத் திறன் கொண்ட மின் விளக்குகளைப் பொறுத்த வேண்டும்.

தா.ஐஸ்வரியா லெட்சுமி (திமுக): கொசு ஒழிப்பு மருந்தை அனைத்து வாா்டுகளிலும் வாரம் ஒருமுறையாவது தெளிக்க வேண்டும்.

செ.ராஜாத்தி (திமுக): தாமரைக்குளம் மீன் அங்காடிக்கு மேற்கூரை அமைப்பதுடன் கழிவுகளை தினசரி வாகனம் மூலம் எடுத்துச் செல்லவேண்டும்.

த.சங்கா் (திமுக): செங்குளத்திற்கு படித்துறை அமைப்பதுடன், காந்திசாலை ஆக்கிரமிப்புகளை அகற்ற வேண்டும்.

ஆா்,கைலாசம் (துணைத் தலைவா்): வீட்டில் வளா்க்கப்படும் நாய்கள் போடும் குட்டிகளைத் தெருக்களில் விட்டுச் செல்பவா்களுக்கு அபராதம் விதிப்பதுடன் வழக்குப் பதிவு செய்ய வேண்டும்.

ச.பாண்டவா் (திமுக): பெரும் நோய் தொற்றுக்கு உள்ளான தெருநாய்களின் எண்ணிக்கை நாளுக்கு நாள் அதிகரித்து வருகிறது.

ஹா.ஆசியாபேகம் (திமுக): வஉசிசாலையின் இருபுறங்களிலும் ஆக்கிரமிப்புகளை முழுமையாக அகற்ற தீவிர நடவடிக்கை எடுக்க வேண்டும்.

த. சோழராஜன் (தலைவா்): மன்னாா்குடிபுதிய பேருந்து நிலையம் செப்டம்பா் மாதம் மக்கள் பயன்பாட்டிற்கு திறக்கப்படவுள்ளது. புதைசாக்கடை திட்டத்துக்குத் தேவையான நிதி ஒதுக்கீடு செய்யப்பட்டு பணிகள் வேகமாக நடைபெறுகிறது. ரூ.67 லட்சத்தில் 940 மீட்டா் நீளத்திற்கு புதிதாக மழைநீா் வடிகால்கள் கட்டப்பட்டுள்ளன. புதிய இடங்களில் மின் விளக்குகள் அமைக்க ரூ.2.58 லட்சம் மின்வாரியத்திற்கு செலுத்தப்பட்டுள்ளது. பாமணியாற்றின் குறுக்கே ரூ.7 கோடியில் புதுப்பாலம், ரூ.3.79 கோடியில் கா்த்தநாதபுரம் பாலம் கட்டுமானப்பணிகள் முடித்து செப்டம்பா் மாதம் திறக்கப்பட உள்ளது. நகராட்சிப் பூங்காக்கள், குளங்கள், பள்ளிகள் மேம்பாட்டுக்குத் தேவையான நிதி ஒதுக்கீடு செய்யப்பட்டு பணிகள் நடைபெறுகிறது என்றாா்.

கூட்டத்தில், ஆணையா் எஸ்.எம்.சியாமளா, உதவிப்பொறியாளா் அறச்செல்வி, நகரமைப்பு ஆய்வாளா் கண்ணதாசன், துப்புரவு ஆய்வாளா் தமிழ்ச்செல்வம், மேலாளா் ஜெ.மீராமைதீன் கலந்து கொண்டனா்.