மன்னாா்குடி அரசு மருத்துவமனையில் எண்டோஸ்கோபி வசதி அறிமுகம்

மன்னாா்குடியில் உள்ள மாவட்ட அரசு தலைமை மருத்துவமனையில் எண்டோஸ்கோப்பி கருவி வசதி ஏற்படுத்தப்பட்டுள்ளது.

இதுகுறித்து மருத்துவமனையின் தலைமை மருத்துவா் என். விஜயகுமாா் கூறியது:

காது, மூக்கு, தொண்டை தொடா்பான அறுவை சிகிச்சைகள் எண்டோஸ்கோபி மூலமாக செய்யப்படுகின்றன. இந்த கருவி இல்லாத காரணத்தால், சம்பந்தப்பட்ட நோயாளிகள் அறுவை சிகிச்சைக்காக திருவாரூா் அல்லது தஞ்சை அரசு மருத்துவக் கல்லூரி மருத்துவமனைக்கு பரிந்துரை செய்யப்பட்டு வந்தனா்.

இந்நிலையில், ரூ. 7 லட்சத்தில் எண்டோஸ்கோபி வசதியை ஏற்படுத்தி தந்த தமிழக அரசுக்கும், பரிந்திரை செய்த அமைச்சா் டி.ஆா்.பி. ராஜாவுக்கும் நன்றி தெரிவித்துக் கொள்கிறோம். மேலும், இந்த வசதியை பொதுமக்கள் பயன்படுத்திக்கொள்ள வேண்டும் என்றாா்.

காது, மூக்கு, தொண்டை சிகிச்சை பிரிவு மருத்துவா்கள் நிவேதா, சந்தியா ஆகியோா் கூறியதுச

எண்டோஸ்கோபி வசதி ஏற்படுத்தப்பட்டிருப்பதன் மூலம், மூக்கின் உள்ளே இருக்கும் எலும்பு மற்றும் குருத்தெலும்பு வளைவுக்கான எண்டோஸ்கோபி சிகிச்சை, மூக்கடைப்பு மற்றும் சைனஸ் பிரச்னைகளுக்கான( எப்இஎஸ்எஸ் ) அறுவை சிகிச்சை, காதில் சீழ் வடிதல், மற்றும் தொற்று கிருமியால் காது கேளாமைக்கு எண்டோஸ்கோபி மற்றும் குரல்வளை மற்றும் குரல் நாண்களில் உள்ள கட்டிகளுக்கு செய்யப்படும் நுண் அறுவை சிகிச்சை போன்ற சிகிச்சைகள் அறிமுகம் செய்யப்பட உள்ளது.

தஞ்சை, திருச்சி போன்ற நகரங்களுக்கு செல்ல வேண்டி இருந்த சூழலில் அரசு மருத்துவமனையில் இலவசமாகவே இத்தகைய அறுவை சிகிச்சைகள் செய்யப்படுவதால், நோயாளிகளுக்கு இது நல்லதொரு வாய்ப்பாக அமைந்துள்ளது என்றனா்.