மன்னாா்குடி வட்டத்தில் 1434-ஆம் பசலி ஆண்டுக்கான வருவாய் தீா்வாய கணக்குகள் (ஜமாபந்தி) முடிவு செய்யும் பணி மே 6-ஆம் தேதி தொடங்கி மே 9-ஆம் தேதி வரை நடைபெறுகிறது என வட்டாட்சியா் என். காா்த்திக் தெரிவித்துள்ளாா்.
இதுகுறித்து, அவா் வெளியிட்டுள்ள செய்திக்குறிப்பு: மாவட்ட ஆட்சியா் வ. மோகனச்சந்திரன் தலைமையில் நடைபெறவுள்ள ஜமாபந்தியில் மே 6-ல் மன்னாா்குடி சரகத்துக்குள்பட்ட 28 கிராமங்களும், மே 7-ல் உள்ளிக்கோட்டை சரகத்துக்குள்பட்ட 27 கிராமங்களுக்கும், மே 8-ல் தலையாமங்கலம் சரகத்துக்குள்பட்ட 21 கிராமங்களுக்கும், மே 9-ஆம் தேதி கோட்டூா் சரகத்துக்குள்பட்ட 21 கிராமங்களுக்கும் நடைபெறவுள்ளது. இதில், பொதுமக்கள் தங்களின் கோரிக்கைகளை மனுவாக ஆட்சியரிடம் அளித்து தீா்வுபெறலாம் என தெரிவித்துள்ளாா்.
