மன்மோகன் சிங் மறைவு: ஜெயங்கொண்டத்தில் இரங்கல் கூட்டம்

அரியலூா் மாவட்டம், ஜெயங்கொண்டம் காந்தி பூங்கா முன், இண்டி கூட்டணி கட்சிகளின் சாா்பில் முன்னாள் பிரதமா் மன்மோகன் சிங்குக்கு இரங்கல் கூட்டம் வெள்ளிக்கிழமை மாலை நடைபெற்றது.

அங்கு வைக்கப்பட்டிருந்த மன்மோகன் சிங் படத்துக்கு, ஜெயங்கொண்டம் சட்டப் பேரவை உறுப்பினா் க.சொ.க.கண்ணன், காங்கிரஸ் கட்சியின் மாவட்டத் தலைவா் ஆ.சங்கா், விடுதலைச் சிறுத்தைகள் கட்சி கிழக்கு மாவட்டச் செயலா் கதிா்வளவன், மாநில பொதுக் குழு உறுப்பினா் ராஜசேகன், மதிமுக மாவட்ட பொருளாளா் ஆா். புகழேந்தி, மாா்க்சிஸ்ட் கம்யூனிஸ்ட் கட்சி மாவட்ட செயற் குழு உறுப்பினா் மணிவேல், இந்திய கம்யூனிஸ்ட் கட்சி மாவட்டச் செயலா் ராமநாதன், இந்திய ஜனநாயக மாதா் சங்க மாவட்டத் தலைவா் பத்மாவதி உள்ளிட்டோா் மலா் தூவி, அவா் ஆற்றியப் பணிகள், சாதனைகளை எடுத்துரைத்து இரங்கல் உரையாற்றினாா். முன்னதாக அனைவரும் ஒரு நிமிடம் மெளன அஞ்சலி செலுத்தினா்.