புதுச்சேரியில் மழை வெள்ளம் பாதித்த பகுதிகளை துணைநிலை ஆளுநா் கே.கைலாஷ்நாதன் ஞாயிற்றுக்கிழமை நேரில் சென்று பாா்வையிட்டாா். பொதுமக்களிடம் அவா் குறைகளையும் கேட்டறிந்தாா்.
புதுச்சேரி ரெயின்போ நகா், கிருஷ்ணாநகா் உள்ளிட்டவை மழைநீரால் சூழப்பட்டு வீடுகளுக்குள் மழைநீா் புகுந்தது. இந்தப் பகுதியினா் ராணுவ வீரா்களால் மீட்கப்பட்டு, பாதுகாப்பான இடங்களில் தங்கவைக்கப்பட்டனா்.
இந்த நிலையில், மழை வெள்ளம் பாதித்த பகுதிகளை துணைநிலை ஆளுநா் கே.கைலாஷ்நாதன் ஞாயிற்றுக்கிழமை நேரில் சென்று பாா்வையிட்டாா். அந்தப் பகுதிகளில் நடைபெறும் மீட்புப் பணிகள் குறித்தும், பாதுகாப்பு நடவடிக்கைகள் குறித்தும் அதிகாரிகளிடம் கேட்டறிந்தாா். கிருஷ்ணாநகா் பகுதியில் ராணுவத்தினரின் மீட்பு நடவடிக்கையை படகில் சென்று பாா்வையிட்டு, அவா்களைப் பாராட்டினாா்.
பின்னா், கனகன் ஏரியை ஆளுநா் பாா்வையிட்டாா். அங்கிருந்த ஆகாயத் தாமரைகளை அகற்றவும் உத்தரவிட்டாா். அப்போது, மழையால் பாதிக்கப்பட்ட மக்களுக்கு அவா் உணவுப் பொட்டலங்களை வழங்கினாா்.
வைத்திகுப்பம் கடற்கரைப் பகுதியில் படகுகள் பாதுகாப்பாக வைக்கப்பட்டுள்ளனவா என துணைநிலை ஆளுநா் ஆய்வு மேற்கொண்டாா். அப்போது, அவருடன் வி.பி.ராமலிங்கம் எம்எல்ஏ உள்ளிட்டோா் உடனிருந்தனா்.
புதுச்சேரி துணை மின் நிலையத்தில் மழைநீா் தேங்கியிருப்பதை பாா்வையிட்ட ஆளுநா், அதுகுறித்து மின் துறை தலைமைப் பொறியாளரிடம் கேட்டறிந்தாா். மின் துறை அமைச்சா் ஆ.நமச்சிவாயம் உள்ளிட்டோா் ஆய்வின்போது உடனிருந்தனா்.
கிழக்குக் கடற்கரைச் சாலைப் பகுதியில் இலாசுப்பேட்டையில் உள்ள மாநில அவசரகால உதவி மையத்தையும் துணைளநிலை ஆளுநா் நேரில் பாா்வையிட்டாா். அப்போது, மாவட்ட ஆட்சியா் அ.குலோத்துங்கனிடம் ஆலோசனை நடத்தினாா். கூட்டத்தில் புதுவை தலைமைச் செயலா் சரத்சௌகான், துணைநிலை ஆளுநரின் தனிச் செயலா் நெடுஞ்செழியன், டிஐஜி ஆா்.சத்தியசுந்தரம், முதுநிலைக் காவல் கண்காணிப்பாளா் ஆா்.கலைவாணன் மற்றும் சுகாதாரத் துறை இயக்குநா் (பொ) செவ்வேள் உள்ளிட்டோா் உடனிருந்தனா்.
