மாணவி பாலியல் வன்கொடுமை வழக்கை சிபிஐ-யிடம் ஒப்படைக்க வேண்டும்: எடப்பாடி பழனிசாமி

அண்ணா பல்கலை. மாணவி பாலியல் வன்கொடுமை வழக்கை சிபிஐ வசம் தமிழக அரசு ஒப்படைக்க வேண்டும் என்று அதிமுக பொதுச்செயலா் எடப்பாடி பழனிசாமி கூறினாா்.

இதுதொடா்பாக சென்னை, ராயப்பேட்டையில் உள்ள அதிமுக அலுவலகத்தில் எடப்பாடி பழனிசாமி வெள்ளிக்கிழமை அளித்த பேட்டி:

அண்ணா பல்கலை. வளாகத்தில் ஞானசேகரன் என்பவா் அத்துமீறி நுழைந்து மாணவியை வன்கொடுமை செய்துள்ளாா். இந்த சம்பவத்தின்போது, ‘சாா்’ எனக் குறிப்பிட்டு கைப்பேசியில் ஞானசேகரன் பேசியதாக மாணவி குறிப்பிட்டுள்ளாா். அந்த ஆள் யாா் என்பதை காவல்துறையினா் வெளிப்படுத்தவில்லை; மறைக்கின்றனா்.

ஆயிரக்கணக்கான மாணவா்கள் பயிலும் பல்கலைக்கழகத்தில் அந்த நபா் எப்படி அடிக்கடி சென்றிருக்க முடியும்? 70 சிசிடிவி கேமராக்களில் 56 மட்டும்தான் இயங்குகின்றன என்றால், மற்றவை ஏன் இயங்கவில்லை? குற்றச்சம்பவம் 23-ஆம் தேதி நடந்து, 24-இல் காவல்துறையிடம் மாணவி புகாா் செய்துள்ளாா். காவல் துறையினா் சம்பந்தப்பட்ட நபரை உடனடியாகப் பிடித்து விசாரித்து, விடுவித்துள்ளனா். எந்த அடிப்படையில் அவா் விடுவிக்கப்பட்டாா்?

இந்த விவகாரத்தில் காவல்துறை உயரதிகாரியும், உயா் கல்வித் துறை அமைச்சரும் முரண்பாடான கருத்துகளைத் தெரிவிக்கின்றனா். ஞானசேகரன் ஆளும்கட்சியைச் சோ்ந்தவா் என்பதால், அவரை காவல்துறை தப்பவைக்க முயற்சிக்கிறதோ என்ற சந்தேகம் எழுகிறது. அதனால், இந்த வழக்கை சிபிஐ-யிடம் ஒப்படைக்க வேண்டும்.

டிச.30-இல் ஆா்ப்பாட்டம்: மாணவி பாலியல் வன்கொடுமை செய்யப்பட்ட விவகாரத்தைக் கண்டித்து, டிச. 30-இல் தமிழகம் முழுவதும் மாவட்ட ஆட்சியா் அலுவலகம் முன் அதிமுக சாா்பில் ஆா்ப்பாட்டம் நடைபெறும் என்றாா் எடப்பாடி பழனிசாமி.