சென்னை பிராட்வே பேருந்து நிலையத்தில் மாநகரப் பேருந்து மோதி பெண் உயிரிழந்தாா்.
பெரும்பாக்கம் எழில் நகரைச் சோ்ந்த பழனியம்மாள் (50) என்பவா், உடல்நலக்குறைவு காரணமாக, சென்ட்ரல் ராஜீவ் காந்தி அரசு பொது மருத்துவமனையில் அனுமதிக்கப்பட்டிருந்த தனது பேத்தியை புதன்கிழமை பாா்க்க வந்தாா்.
பேத்தியை பாா்த்துவிட்டு வீட்டுக்குச் செல்ல பிராட்வே பேருந்து நிலையத்துக்குள் நடந்து வந்துகொண்டிருந்தாா். அப்போது அங்கு திருவேற்காடு செல்லும் மாநகரப் பேருந்து, பழனியம்மாள் மீது திடீரென மோதியதில் பலத்த காயமடைந்தாா். இதையடுத்து அவரை அங்கிருந்தவா்கள் மீட்டு, ராஜீவ் காந்தி அரசு பொது மருத்துவமனையில் சிகிச்சைக்காக சோ்த்தனா். அங்கு தீவிர சிகிச்சை பெற்றுவந்த பழனியம்மாள், வியாழக்கிழமை சிகிச்சை பலனின்றி உயிரிழந்தாா்.
இதுகுறித்து பூக்கடை போக்குவரத்து புலனாய்வுப் பிரிவு போலீஸாா் வழக்குப் பதிந்து விசாரணை நடத்தி வருகின்றனா்.
