தொகுதி மறுசீரமைப்பு: மக்களவையிலிருந்து திமுக எம்பிக்கள் வெளிநடப்பு!
இங்கிலாந்து பிரீமியா் லீக் கால்பந்து போட்டியில் திங்கள்கிழமை ஆட்டத்தில் மான்செஸ்டா் யுனைடெட் 3-0 கோல் கணக்கில் லெய்செஸ்டா் சிட்டியை வீழ்த்தியது.
இந்த ஆட்டத்தில் மான்செஸ்டா் அணிக்காக ராஸ்மஸ் ஹோலந்த் 28-ஆவது நிமிஷத்தில் கோல் கணக்கை தொடங்கினாா். தொடா்ந்து, அலெக்ஸாண்ட்ரோ கா்னாசோ 67-ஆவது நிமிஷத்திலும், புருனோ ஃபொ்னாண்டஸ் 90-ஆவது நிமிஷத்திலும் கோலடித்தனா்.
லெய்செஸ்டா் சிட்டிக்கு இறுதி வரை கோல் வாய்ப்பு கிடைக்காமல் போக, மான்செஸ்டா் யுனைடெட் 3-0 கோல் கணக்கில் வெற்றி பெற்றது. லெய்செஸ்டா் சிட்டி இத்துடன் தனது சொந்த மண்ணில் தொடா்ந்து 7 ஆட்டங்களில் தோல்வியை சந்தித்துள்ளது.
அனைத்து ஆட்டங்களிலுமே அந்த அணி கோல் அடிக்காததும் குறிப்பிடத்தக்கது. பிரீமியா் லீக் வரலாற்றில் இத்தகைய தொடா் தோல்வியை சந்தித்த முதல் அணியாகியிருக்கிறது லெய்செஸ்டா் சிட்டி. புள்ளிகள் பட்டியலில் தற்போது, மான்செஸ்டா் யுனைடெட் 37 புள்ளிகளுடன் 13-ஆவது இடத்திலும், லெய்செஸ்டா் சிட்டி 17 புள்ளிகளுடன் 19-ஆவது இடத்திலும் உள்ளன.
பாா்சிலோனா வெற்றி: ஸ்பெயினில் நடைபெறும் லா லிகா கால்பந்து போட்டியில் பாா்சிலோனா 4-2 கோல் கணக்கில் அட்லெடிகோ மாட்ரிட்டை வென்றது.
பாா்சிலோனா தரப்பில் ராபா்ட் லெவண்டோவ்ஸ்கி (72’), ஃபெரான் டோரஸ் (78’, 90+8’), லேமின் யமால் (90+2’) ஆகியோா் கோலடித்தனா். அட்லெடிகோ மாட்ரிட்டுக்காக ஜூலியன் அல்வரெஸ் (45’), அலெக்ஸாண்டா் சோா்லோத் (70’) ஆகியோா் ஸ்கோா் செய்தனா்.
புள்ளிகள் பட்டியலில், பாா்சிலோனா 60 புள்ளிகளுடன் முதலிடத்திலும், அட்லெடிகோ மாட்ரிட் 56 புள்ளிகளுடன் 2-ஆம் இடத்திலும் உள்ளன.
