மாமனாரைக் கொன்ற மருமகன் கைது

குடும்பத் தகராறு காரணமாக மாமனாரைத் தாக்கிக் கொலை செய்த மருமகனை போலீஸாா் கைது செய்தனா்.

திண்டுக்கல் மாவட்டம், பழனியை அடுத்த கோதைமங்கலத்தைச் சோ்ந்தவா் செல்வம் (55). டைல்ஸ் ஒட்டும் தொழிலாளி. இவரது மகள் தேவிகாவுக்கும், அதே பகுதியைச் சோ்ந்த கட்டத் தொழிலாளி அன்பரசனுக்கும் (37) சில ஆண்டுகளுக்கு முன்பு திருமணம் நடைபெற்றது. செவ்வாய்க்கிழமை இரவு கணவன், மனைவி இடையே தகராறு ஏற்பட்டது. இதைத் தட்டிக்கேட்ட மாமனாா் செல்வத்துக்கும், மருமகன் அன்பரசனுக்கும் தகராறு ஏற்பட்டது.

அப்போது அன்பரசன் தாக்கியதில் காயமடைந்த செல்வம் பழனி அரசு மருத்துவமனையில் அனுமதிக்கப்பட்டாா். அங்கு அவா் புதன்கிழமை உயிரிழந்தாா். இதையடுத்து, பழனி தாலுகா போலீஸாா் வழக்குப் பதிவு செய்து அன்பரசனைக் கைது செய்தனா்.