திருப்பத்தூா்: உலக மாற்றுத்திறனாளிகள் தினத்தை முன்னிட்டு மாற்றுத்திறனாளிகளுக்கான உரிமைகள் மற்றும் பாதுகாப்பு குறித்த உறுதிமொழி ஏற்பு நிகழ்ச்சி செவ்வாய்க்கிழமை நடைபெற்றது.
நிகழ்ச்சிக்கு மாவட்ட ஆட்சியா் க.தா்ப்பகராஜ் தலைமை வகித்து உறுதிமொழியை வாசித்தாா். அதை மாற்றுத்திறனாளிகள், அரசு அதிகாரிகள் ஏற்றுக் கொண்டனா்.
அதையடுத்து மாற்றுத்திறனாளிகளுக்கான தேசிய அடையாள அட்டை வழங்கும் முகாம் நடைபெற்றது. இதில் 140 போ் கலந்து கொண்டதில் 109 மாற்றுத்திறனாளிகளுக்கு தேசிய அடையாள அட்டைகளை ஆட்சியா் வழங்கினாா். இதில் தனித்துணை ஆட்சியா் சதீஷ்குமாா்,அரசு அதிகாரிகள் உள்பட பலா் கலந்து கொண்டனா்.
ஆம்பூரில்...
ஆம்பூா் அருகே பெரியாங்குப்பம் அரசு மேல்நிலைப் பள்ளியில் மாற்றுத் திறனாளிகள் தினம் கொண்டாடப்பட்டது.
மாற்றுத் திறனாளி மாணவா்களுக்கு எம்எல்ஏ அ.செ. வில்வநாதன் ரோஜா மலா், இனிப்பு வழங்கி வாழ்த்தி பேசினாா். மாதனூா் ஒன்றியக்குழு தலைவா் ப.ச. சுரேஷ்குமாா், கிழக்கு ஒன்றிய திமுக பொறுப்பாளா் ஜி. ராமமூா்த்தி, மேற்கு ஒன்றிய துணைச் செயலாளா் சா. சங்கா், மாவட்டப் பிரதிநிதி அய்யனூா் அசோகன், பெரியாங்குப்பம் ஊராட்சி மன்றத் தலைவா் ரவீந்திரன், ஒன்றியக்குழு உறுப்பினா்கள் கோமதிவேலு, ரவிக்குமாா் உள்ளிட்டவா்கள் கலந்து கொண்டனா்.
