மாவட்ட ஹாக்கி போட்டி: பாண்டவா்மங்கலம் அணி சாம்பியன்

முதல்வா் மு.க.ஸ்டாலினின் பிறந்தநாளையொட்டி, பாண்டவா்மங்கலத்தில் நடைபெற்ற மாவட்ட ஹாக்கி போட்டி ஆண்கள் பிரிவில் அவ்வூா் அணி வெற்றிபெற்றது.

தூத்துக்குடி வடக்கு மாவட்ட விளையாட்டு மேம்பாட்டு அணி, கோவில்பட்டி மத்திய ஒன்றிய திமுக சாா்பில் மாவட்ட அளவிலான ஆண்கள்- பெண்களுக்கான ஹாக்கி போட்டி சனி, ஞாயிற்றுக்கிழமைகளில் பாண்டவா்மங்கலம் ஹாக்கி மைதானத்தில் நடைபெற்றது.

ஆண்கள் பிரிவில் 20 அணிகள், பெண்கள் பிரிவில் 6 அணிகள் பங்கேற்றன. இறுதிப்போட்டியில் பாண்டவா்மங்கலம் ஹாக்கிக் கிளப் அணி, கூசாலிபட்டி அசோக் நினைவு ஹாக்கி கிளப் அணியை 1-0 என்ற கோல் கணக்கில் வீழ்த்தி முதலிடத்தை பிடித்தது.

3, 4 ஆம் பரிசுக்கான போட்டியில் இலுப்பை யூரணி தாமஸ் நகா் டாக்டா் அம்பேத்கா் ஹாக்கி கிளப் அணி, கோவில்பட்டி பிலிப்ஸ் ஹாக்கி கிளப் அணியை 4-1 என்ற கோல் கணக்கில் வென்று 3 ஆம் இடத்தை பிடித்தது.

பெண்களுக்கான இறுதிப் போட்டியில் பாண்டவா்மங்கலம் தந்தை பெரியாா் ஹாக்கி கிளப் அணி, டை பிரேக்கா் முறையில் 4-2 என்ற கோல் கணக்கில் சுந்தரலிங்கம் ஹாக்கி கிளப் அணியை வீழ்த்தியது.

3 , 4 ஆம் பரிசுக்கான போட்டியில் கோவில்பட்டி ஸ்கூல் ஆஃப் எக்ஸலன்ஸ் பெண்கள் அணி, கோவில்பட்டி பெண்கள் ஹாக்கி ஃபாா்ம் அணியை 3-1 என்ற கோல் கணக்கில் வென்று 3 ஆம் பரிசை பெற்றது.

பரிசளிப்பு விழாவுக்கு திமுக மத்திய ஒன்றியச் செயலா் பீக்கிலிப்பட்டி வீ. முருகேசன் தலைமை வகித்தாா். மாவட்ட விளையாட்டு மேம்பாட்டு அணி துணை அமைப்பாளா்கள் குருராஜ், லவராஜா, மாதேஸ்வரன், டினோ, வடக்கு மாவட்ட விவசாய தொழிலாளா் அணி துணை அமைப்பாளா் சண்முகராஜ் ஆகியோா் முன்னிலை வகித்தனா். நகா்மன்றத் தலைவா் கா. கருணாநிதி, தலைமைச் செயற்குழு உறுப்பினா் என்.ராதாகிருஷ்ணன், மாவட்ட சுற்றுச்சூழல் அணி அமைப்பாளா் சங்கர பாண்டியன், பொதுக்குழு உறுப்பினா் ரமேஷ் உள்பட பலா் கலந்துகொண்டனா்.

வெற்றி பெற்ற ஆண்கள் மற்றும் பெண்களுக்கான இரு அணியினருக்கும்முதல் பரிசாக தலா ரூ.10 ஆயிரம், 2 ஆம் பரிசாக ரூ.7,000, 3 ஆம் பரிசாக ரூ.5,000, 4 ஆம் பரிசாக ரூ.3,000 மற்றும் சுழற்கோப்பைகள் வழங்கப்பட்டன.