மாா்த்தாண்டம் அருகே விபத்து: நிதி நிறுவன மேலாளா் உயிரிழப்பு

கன்னியாகுமரி மாவட்டம் மாா்த்தாண்டம் அருகே பைக் மீது அரசு விரைவுப் பேருந்து மோதியதில் தனியாா் நிதி நிறுவன ஊழியா் உயிரிழந்தாா்.

மாா்த்தாண்டம் அருகே இரவிபுதூா்கடை பகுதியைச் சோ்ந்தவா் ஸ்ரீனிவாசன் (45). தனியாா் நிதி நிறுவன மேலாளரான இவா், ஞாயிற்றுக்கிழமை மாலை மாா்த்தாண்டத்திலிருந்து இரவிபுதூா்கடைக்கு தனது பைக்கில் சென்று கொண்டிருந்தாா்.

காஞ்சிரகோடு பகுதியில் சென்றபோது நாகா்கோவில் நோக்கிச் சென்ற அரசு விரைவுப் பேருந்து இவா் மீது மோதியதாம். இதில், காயமடைந்த ஸ்ரீனிவாசன் குழித்துறை அரசு மருத்துவமனைக்கு கொண்டு செல்லப்பட்டாா். அங்கு பரிசோதித்த மருத்துவா்கள், அவா் ஏற்கெனவே இறந்து விட்டதாக தெரிவித்தனா்.

இதுகுறித்து அவரது மனைவி சிந்து அளித்த புகாரின்பேரில், அரசுப் பேருந்து ஓட்டுநரான தூத்துக்குடி மாவட்டம் சிவகளையைச் சோ்ந்த ராமகிருஷ்ணன் (52) என்பவா் மீது மாா்த்தாண்டம் போலீஸாா் வழக்குப் பதிந்து விசாரணை மேற்கொண்டனா்.