இந்த வேலன்டைன்ஸ் டே அன்று பிரபோஸ் பண்ணும் ஐடியாவில் இருக்கிறீர்களா... உங்களுக்குக் கட்டம் என்ன சொல்லுது? பிரபோஸ் பண்ணலாமா வேண்டாமா... இந்த ஆண்டு காதல் கைகூடுமா? கல்யாணத்தைத் திட்டமிடலாமா என்று பலரும் யோசித்துக்கொண்டிருக்கிறீர்களா... இதோ உங்களுக்கான ஜோதிட வழிகாட்டல்.
பொதுவாக ஒருவருக்குக் காதல் கைகூட வேண்டும் என்றால் அவரின் ஜாதகத்தில் குருவும் சுக்கிரனும் நல்ல நிலையில் அமைந்திருக்க வேண்டும். தற்போது கோசாரப்படி சுக்கிரன் மீன ராசியில் உச்சம் பெற்று ராகுவோடு சேர்ந்து சஞ்சரிக்கிறார். குருபகவான் ரிஷபராசியில் சஞ்சரிக்கிறார். மேலும் இந்த ஆண்டில் சனிப்பெயர்ச்சி, ராகு கேது பெயர்ச்சி, குருப்பெயர்ச்சி ஆகியனவும் நடைபெற உள்ளன. இந்த கிரக மாற்றங்கள் உங்கள் காதல் வாழ்க்கைக்கு சாதகமா என்பதை ஜோதிடர் பாரதி ஶ்ரீதரிடம் கேட்டோம்.
தனுசு : 7 - ல் செவ்வாய், 4 -ல் சுக்கிரன், 6 -ல் குரு சஞ்சாரம் செய்யும் இந்தக் காலகட்டம் மிகவும் கவனமுடன் இருக்க வேண்டியது. ஏற்கெனவே காதல் வாழ்வில் இருப்பவர்களாக இருந்தால் மிகவும் நிதானம் தேவை. அவசரப்பட்டு முடிவுகள் எடுக்க வேண்டாம். ஏழாம் வீட்டுக்கு குருபகவான் மே மாதம் பெயர்ச்சி ஆவார். அதன் பின் காதல் குறித்த முடிவுகளையோ திருமணம் குறித்த முடிவுகளையோ எடுக்கலாம். அதற்கு முன் உணர்ச்சி வசப்பட்டு முடிவுகள் எடுப்பதைத் தவிர்ப்பது நல்லது.
