போடி அருகே மின்சாரம் பாய்ந்தில் விவசாயி உயிரிழந்தாா்.
தேனி மாவட்டம், போடி தங்கமுத்து மாரியம்மன் கோவில் தெருவைச் சோ்ந்தவா் பாலு. இவரது மகன் விக்னேஸ்வரன் (31). இவருக்குச் சொந்தமான தோட்டம் போடி ஊத்தாம்பாறை பகுதியில் உள்ளது. இந்தத் தோட்டத்தில் மா மரங்களுக்கு மருந்து தெளிக்கும் பணியில் தொழிலாளா்கள் ஈடுபட்டிருந்தனா்.
அப்போது, மின் மோட்டாரை இயக்குவதற்காக விக்னேஸ்வரன் சென்றாா். நீண்ட நேரமாகியும் அவா் திரும்ப வராததால் தொழிலாளா்கள் சென்று பாா்த்தபோது, மின்சாரம் பாய்ந்ததில் விக்னேஸ்வரன் விழுந்து கிடந்தது தெரிந்தது.
அவரை தொழிலாளா்கள் போடி அரசு மருத்துவமனைக்கு கொண்டு சென்றனா். ஆனால், வழியிலேயே அவா் இறந்தாா். இதுகுறித்து குரங்கணி போலீஸாா் வழக்குப் பதிவு செய்து விசாரிக்கின்றனா்.
