மன்னாா்குடியில் வீட்டுக்கு புதிதாக வாங்கிய மின் மோட்டருக்கு மின் இணைப்பு தந்தபோது மின்சாரம் பாய்ந்து இளைஞா் சனிக்கிழமை உயிரிழந்தாா்.
உப்புக்காரத் தெரு கோரிமேடு செல்வமணி மகன் ஸ்ரீபன்ராஜ் (30) (படம்). தண்ணீா் கேன் முகவராக இருந்து வந்தாா். தனது வீட்டில் கீழ்தளத்தில் உள்ள குடிநீா் தொட்டியிலிருந்து மாடியில் உள்ள குடிநீா் தொட்டிக்கு நீா் ஏற்றுவதற்காக புதிதாக மின் மோட்டாா் வாங்கி, அதை பொருத்தும் பணியில் சனிக்கிழமை இரவு ஈடுபட்டிருந்தபோது, உடலில் மின்சாரம் பாய்ந்து காயமடைந்த ஸ்ரீபன்ராஜை சிகிச்சைக்காக மன்னாா்குடி அரசு மருத்துவமனைக்கு கொண்டு சென்றனா்.
அங்கு அவரை பரிசோதித்த மருத்துவா்கள் ஸ்ரீபன்ராஜ் ஏற்கெனவே இறந்து விட்டதாக தெரிவித்தனா். இதுகுறித்து மன்னாா்குடி போலீஸாா் விசாரிக்கின்றனா்.
