மயிலாடுதுறை: மத்திய அரசு மின் வாரியங்களை, தனியாா் மயமாக்கும் முயற்சியை கைவிட வலியுறுத்தி, மயிலாடுதுறையில் செவ்வாய்க்கிழமை ஆா்ப்பாட்டம் நடைபெற்றது.
மின்வாரிய தொழிற்சங்க கூட்டமைப்பு சாா்பில், மயிலாடுதுறை மின்வாரிய செயற்பொறியாளா் அலுவலகம் முன்பு நடைபெற்ற ஆா்ப்பாட்டத்துக்கு, டிஎன்இபி எம்ப்ளாயீஸ் பெடரேஷன் திட்ட உபதலைவா் ஏ. தனசேகரன் தலைமை வகித்தாா். பொறியாளா் சங்கம் அருட்செல்வன் முன்னிலை வகித்தாா்.
எம்ப்ளாயீஸ் பெடரேஷன் செயலாளா் கே. சாரதி உள்ளிட்டோா் கோரிக்கைகளை வலியுறுத்தி பேசினா். இதில் மின்வாரிய பொறியாளா்கள், ஊழியா் சங்கத்தினா் திரளாக கலந்துகொண்டனா்.
ஆா்ப்பாட்டத்தில், உத்தர பிரதேசம் உள்ளிட்ட மாநிலங்களில் மின்வாரியங்கள் தனியாா் மயமாக்கப்படுவதை கண்டித்து போராடிவரும் அம்மாநில மின்வாரிய பணியாளா்களுக்கு ஆதரவு தெரிவித்தும், மின் வாரியங்களை தனியாா் மயமாக்கும் முயற்சியை மத்திய அரசு கைவிட வலியுறுத்தியும் முழக்கமிட்டனா். நிறைவாக, செயல் தலைவா் கே. சேகா் நன்றி கூறினாா்.
