மீஞ்சூா் பேரூராட்சியை கண்டித்து அதிமுக சாா்பில் ஆக.6-ஆம் தேதி ஆா்ப்பாட்டம் நடைபெறும் என்று அதிமுக பொதுச்செயலா் எடப்பாடி கே.பழனிசாமி அறிவித்துள்ளாா்.
இது குறித்து அவா் சனிக்கிழமை வெளியிட்ட அறிக்கை : திருவள்ளூா் மாவட்டம் மீஞ்சூா் பேரூராட்சியில் நிலவி வரும் பல்வேறு நிா்வாகச் சீா்கேடுகளை களைய வேண்டும். தாமதமாக நடைபெறும் ரயில்வே மேம்பாலப் பணிகளை துரிதப்படுத்த வேண்டும். பேரூராட்சியில் அத்தியாவசிய அடிப்படைத் தேவைகளை உடனடியாக நிறைவேற்ற வேண்டும்.
இக்கோரிக்கைகளை வலியுறுத்தி திருவள்ளூா் வடக்கு மாவட்டம் சாா்பில் மீஞ்சூா் பேரூராட்சிகடைவீதியில் புதன்கிழமை (ஆக.6) காலை 10 மணிக்கு ஆா்ப்பாட்டம் நடைபெறும்.
ஆா்ப்பாட்டத்துக்கு, அனைத்துலக எம்ஜிஆா் மன்றச் செயலரும், அதிமுக செய்தி தொடா்பாளருமான சி. பொன்னையன் தலைமை வகிக்கிறாா். திருவள்ளூா் வடக்கு மாவட்ட அதிமுக செயலா் சிறுணியம் பி.பலராமன் முன்னிலை வகிக்கிறாா் எனத் தெரிவித்துள்ளாா் எடப்பாடி பழனிசாமி.
