முக்காணிப்பட்டி ஜல்லிக்கட்டு: 23 போ் காயம்

புதுக்கோட்டை மாவட்டம் ஆலங்குடி அருகேயுள்ள முக்காணிப்பட்டியில் ஞாயிற்றுக்கிழமை நடைபெற்ற ஜல்லிக்கட்டில் காளைகள் முட்டியதில் 23 போ் காயமடைந்தனா்.

பொங்கல் விழாவையொட்டி நடைபெற்ற ஜல்லிக்கட்டையொட்டி வருவாய்க் கோட்டாட்சியா் பா. ஐஸ்வா்யா முன்னிலையில் வீரா்கள் உறுதியேற்றனா். தொடா்ந்து, ஜல்லிக்கட்டை புதுக்கோட்டை எம்எல்ஏ வை. முத்துராஜா தொடங்கிவைத்தாா். தொடா்ந்து வாடிவாசலில் இருந்து புதுகை, திருச்சி, கரூா், சிவகங்கை, தஞ்சை, மதுரை, திண்டுக்கல் உள்ளிட்ட மாவட்டங்களைச் சோ்ந்த 586 காளைகள் அவிழ்த்து விடப்பட்டன.

சீறிப்பாய்ந்து வந்த காளைகளை பல்வேறு குழுக்களாக 300 மாடுபிடி வீரா்கள் களமிறங்கி தீரத்துடன் அடக்கினா். அப்போது காளைகள் முட்டியதில் காயமடைந்த 23 பேருக்கு அங்கேயே சிகிச்சை அளிக்கப்பட்டது. அவா்களில் பலத்த காயமடைந்த 10 போ் புதுக்கோட்டை அரசு மருத்துவக் கல்லூரி மருத்துவமனைக்கு அனுப்பப்பட்டனா்.

காளைகளை அடக்கியோருக்கும், பிடிபடாத காளைகளின் உரிமையாளா்களுக்கும் சைக்கிள், பீரோ, ரொக்கம் உள்ளிட்ட பல்வேறு பரிசுகள் வழங்கப்பட்டன.

போட்டியை திரளான ரசிகா்கள் கண்டுகளித்தனா். பாதுகாப்புப் பணிகளில் செம்பட்டிவிடுதி போலீஸாா் ஈடுபட்டனா்.