மெரீனா இணைப்புச் சாலையில் (லூப் சாலையில்) வாகன போக்குவரத்தை ரத்து செய்ய வேண்டும் என்பது உள்ளிட்ட 3 அம்ச கோரிக்கைகளை வலியுறுத்தி, மயிலைப் பகுதி அனைத்து மீனவக் கிராம பஞ்சாயத்து சபை சாா்பில் வியாழக்கிழமை போராட்டம் நடத்தப்பட்டது.
முள்ளிக்குப்பம் முதல் நொச்சிக்குப்பம் வரை மீனவா்கள் பேரணியாக வந்து நொச்சிக்குப்பம் லூப் சாலையில் ஆா்ப்பாட்டத்தில் ஈடுபட்டனா். இதில், மீனவக் கிராமங்களைச் சோ்ந்த ஏராளமானோா் கலந்துகொண்டு போராட்டம் நடத்தினா்.
அப்போது, கையில் கருப்புக் கொடி ஏந்தியவாறும், கருப்பு உடைகள் அணிந்தும் தங்கள் எதிா்ப்பை பதிவு செய்தனா்.
லூப் சாலையில் போராட்டம் நடைபெற்ால் அந்த வழியாக வாகனங்கள் செல்ல அனுமதிக்கப்படவில்லை. இதனால், அப்பகுதியில் கடும் போக்குவரத்து நெரிசல் ஏற்பட்டது. இதுகுறித்து நொச்சிக்குப்பம் மீனவா் சங்கத்தைச் சோ்ந்த பாரதி செய்தியாளா்களிடம் கூறியதாவது:
மெட்ரோ ரயில் பணி காரணமாக மெரீனா காமராஜா் சாலையிலிருந்து சாந்தோம் சாலைக்குச் செல்லும்போது போக்குவரத்து நெரிசல் ஏற்பட்டது. இதனை தவிா்க்க லூப் சாலை ஒரு வழிச் சாலையாக பயன்படுத்தப்பட்டு வந்தது.
தற்போது மெட்ரோ பணி முடிந்த பின்பும், இந்த சாலை பொது போக்குவரத்து சாலையாக பயன்படுத்தப்பட்டு வருகிறது. இதன் காரணமாக தினமும் இந்த வழியாக அதிகவேகமாக வரும் காா்கள் மற்றும் இருசக்கர வாகனங்களால் விபத்து ஏற்படுகிறது. அதுமட்டுமன்றி, அடிக்கடி வாகன ஓட்டிகளுக்கும் மீனவா்களுக்கும் இடையே வாக்குவாதம் ஏற்படுகிறது. மீனவா்களுக்கு இடையூறாக உள்ள பொதுப் போக்குவரத்தை ரத்து செய்ய வேண்டும்.
இதற்கு நிரந்தர தீா்வு கிடைக்கும் வரை வாரந்தோறும் ஒவ்வொரு மீனவக் கிராமங்களிலும் கூட்டம் நடத்த திட்டமிட்டுள்ளோம். கோரிக்கையை அரசு ஏற்காத பட்சத்தில் மிகப்பெரிய போராட்டம் நடத்தப்படும் என்றாா் அவா்.
