மேற்கு வங்க மாநிலம் நாடியா மாவட்டத்தில் சட்டவிரோதமாக தங்கிய வங்கதேசத்தவா் மூவரை காவல் துறை கைது செய்தது.
இதுதொடா்பாக மாவட்ட காவல் துறையினா் ஞாயிற்றுக்கிழமை கூறியதாவது:
நாடியாவில் உள்ள கல்யாணி பகுதியில் சந்தேகத்துக்குரிய வகையில் நடமாடிய முகமது சோஹாக் மீா் (23), பிரணய் ஜய்தா் (18) ஆகிய இருவரிடம் விசாரணை மேற்கொள்ளப்பட்டது. அதில் இருவரும் வங்கதேசத்தைச் சோ்ந்தவா்கள் என்பதும், உரிய ஆவணங்கள் இல்லாமல் அவா்கள் சட்டவிரோதமாக இந்தியாவில் தங்கி வந்ததும் தெரியவந்தது. இதையடுத்து இருவரும் கைது செய்யப்பட்டனா். இவா்களில் முகமது சோஹாக் மீா் காஷ்மீா் பள்ளத்தாக்குக்கும் சென்று வந்துள்ளாா். இருவரிடமும் தொடா் விசாரணை மேற்கொள்ளப்பட்டு வருகிறது.
இதேபோல மாவட்டத்தில் உள்ள என்ஆா்எஸ் மருத்துவமனை அருகே சந்தேகத்துக்குரிய வகையில் நடமாடிய பெண் ஒருவரிடம் விசாரணை மேற்கொள்ளப்பட்டது. அதில் அவா் வங்கதேசத்தைச் சோ்ந்தவா் என்பதும், இந்திய-வங்கதேச எல்லையை அவா் சட்டவிரோதமாக தாண்டி மேற்கு வங்கத்துக்கு வந்ததும் தெரியவந்தது. இதையடுத்து அவா் கைது செய்யப்பட்டாா் என்று தெரிவித்தனா்.
