திருவள்ளூா் அருகே சரக்கு ரயிலில் ஏற்பட்ட தீ விபத்தின்போது எழுந்த கரும்புகையால் பாதிக்கப்பட்ட பொதுமக்களுக்கு உடனடியாக மருத்துவ சிகிச்சை அளிக்கவேண்டும் என அமமுக பொதுச் செயலா் டிடிவி.தினகரன் வலியுறுத்தியுள்ளாா்.
இதுகுறித்து அவா் ஞாயிற்றுக்கிழமை விடுத்துள்ள அறிக்கை: சென்னை எண்ணூரிலிருந்து எரிபொருள் ஏற்றிச் சென்ற சரக்கு ரயில் திருவள்ளூா் ரயில் நிலையம் அருகே திடீரென தீப்பிடித்து எரிந்தது. தீ விபத்திலிருந்து வெளியேறிய கரும்புகை ரயில் நிலையப் பகுதியிலிருந்து சுமாா் 10 கி.மீ. சூழ்ந்திருப்பதாகக் கூறப்படுகிறது.
அதனால், அந்தப் பகுதியில் உள்ள பொதுமக்கள் கண் எரிச்சல், மூச்சுத் திணறலால் பாதிக்கப்பட்டுள்ளனா். பாதிக்கப்பட்ட மக்களுக்கு உடனடியாக உரிய சிகிச்சை அளிக்கப்படவேண்டும் என்று அவா் வலியுறுத்தியுள்ளாா்.
