கும்பகோணத்தில் ரயில் வேகனை சுத்தம் செய்த வடமாநில தொழிலாளி மூச்சுத்திணறி திங்கள்கிழமை உயிரிழந்தாா்.
தஞ்சாவூா் மாவட்டம், திருமண்டங்குடி சா்க்கரை ஆலைக்கு மகாராஷ்டிர மாநிலம், அகிலியா நகரில் இருந்து 46 ரயில் வேகன்களில் மொலாசஸ் கும்பகோணம் ரயில் நிலையத்துக்கு வந்தன. பின்னா் வேகன்களில் இருந்த மொலாசஸ் லாரிகள் மூலம் திருமண்டகுடி சா்க்கரை ஆலைக்கு கொண்டு செல்லப்பட்டது.
தொடா்ந்து, காலியான ரயில் வேகன்களை15-க்கும் மேற்பட்ட வடமாநில தொழிலாளா்கள் திங்கள்கிழமை சுத்தம் செய்தனா். பின்னா் இருப்பிடம் சென்ற அவா்கள், தங்களுடன் வந்த தொழிலாளி ஒருவரை காணாததால்,
மீண்டும் வேகனுக்கு சென்று தேடியதில், வேகனினுள் அவா் இறந்த நிலையில் கிடந்தாா்.
ரயில்வே போலீஸாரின் விசாரணையில், உயிரிழந்த நபா் உத்தரப் பிரதேச மாநிலம், சூரஜ்பூரா பகுதியை சோ்ந்த நங்கே (41) என்பது தெரியவந்தது. போலீஸாா் வழக்குப் பதிந்து, அவரது சடலத்தை கும்பகோணம் அரசு மருத்துவமனையில் உடற்கூறாய்வுக்கு ஒப்படைத்து விசாரித்து வருகின்றனா்.
