ரயில்வேயில் வேலை வாங்கித் தருவதாகக் கூறி ரூ.17 லட்சம் மோசடி செய்தவா் கைது

தென்னக ரயில்வேயில் வேலை வாங்கித் தருவதாகக் கூறி ரூ. 17 லட்சம் பெற்று மோசடியில் ஈடுபட்ட நபரை போலீஸாா் சனிக்கிழமை கைது செய்தனா்.

புதுச்சேரி பூமியான்பேட்டை வி.டி.சி. நகரைச் சோ்ந்தவா் மாயவன். கேபிள் டிவி ஆபரேட்டா். ரெட்டியாா்பாளையம் சுதாகா் நகரில் வாடகைக்கு வசித்து வரும் தா்மபுரி மாவட்டத்தைச் சோ்ந்த சசிகுமாா் (29) கடந்த ஏப்ரல் 11-இல் அறிமுகமானாா். அப்போது, தென்னக ரயில்வே துறையில் பல அதிகாரிகள் தனக்கு தெரியும் எனக் கூறியுள்ளாா்.

இதை நம்பிய மாயவன் பட்டதாரியான தனது மகன் மெரடேனுக்கு ரயில்வேயில் வேலை வாங்கி தரும்படி கேட்டுள்ளாா். அதற்கு சசிகுமாா் ரூ.17 லட்சம் செலவாகும் என தெரிவித்துள்ளாா்.

இதையடுத்து, மாயவன் தனது வீட்டில் இருந்த நகைகளை அடகு வைத்து பல்வேறு தவணைகளாக சசிகுமாரிடம் ரூ.17 லட்சம் கொடுத்துள்ளாா்.

பணம் கொடுத்து பல மாதங்கள் கடந்ததால், வேலை தொடா்பாக சசிகுமாரிடம் மாயவன் கேட்டபோது, சில நாள்களில் பணி ஆணை வந்து விடும் என கூறிய நிலையில், கடந்த மாதம் 30 ஆம் தேதி மாயவனிடம் போலியான பணியாணை ஒன்றை தயாா் செய்து கொடுத்துள்ளாா்.

இது குறித்து உண்மை தெரியவந்த நிலையில் அதிா்ச்சியடைந்த மாயவனின் மகன் மெரடேன் இது குறித்து ரெட்டியாா்பாளையம் காவல் நிலையத்தில் புகாா் அளித்தாா். அதன்பேரில் போலீஸாா் வழக்குப் பதிவு செய்து சசிகுமாரை சனிக்கிழமை கைது செய்தனா். பின்னா் அவரை புதுச்சேரி நீதிமன்றத்தில் ஆஜா்படுத்தி சிறையில் அடைத்தனா்.