பிச்சாவரம் சுற்றுலா மையத்தில் சனிக்கிழமை வனத்துறை படகு ஓட்டுநா் மயங்கி தண்ணீரில் விழுந்து மரணமடைந்தாா். படகில் பயணம் செய்த 10 சுற்றுலா பயணிகள் பத்திரமாக மீட்கப்பட்டனா்.
கடலூா் மாவட்டம் சிதம்பரம் அருகே பிச்சாவரம் வனச் சுற்றுலா மையத்தில் சுற்றுச்சூழல் மேம்பாட்டு குழு சாா்பில் படகுகள் இயக்கப்பட்டு வருகின்றன. சனிக்கிழமை மாலை 10 பயணிகளை ஏற்றிக் கொண்டு சுரபுண்னை வனக்காட்டிற்கு படகு சென்றது.
படகை கிள்ளை எம்.ஜி.ஆா்., நகரை சோ்ந்த சங்கா் (38) என்பவா் ஓட்டிச்சென்றாா். படகு வனக்காடுகளுக்கு சென்று திரும்பி வந்தது. படகு நிறுத்தும் இடம் அருகே வரும் போது, சங்கருக்கு திடீரென வலிப்பு வந்து மயங்கி தண்ணீரில் விழுந்தாா்.
இதைப்பாா்த்த சுற்றுலா பயணிகள் அலறினா். இதையடுத்து சுற்றுலா பயணிகளை சக படகு ஓட்டுநா்கள் பத்திரமாக மீட்டு கரைக்கு கொண்டு வந்தனா், மேலும் மற்ற படகு ஓட்டுநா்கள் நீரில் மூழ்கிய சங்கரை மீட்டு சிகிச்சைக்காக சிதம்பரம் அண்ணாமலைநகா் அரசு மருத்துவக்கல்லூரி மருத்துவமனைக்கு கொண்டு சென்றனா்.
அங்கு பரிசோதனை செய்த மருத்துவா்கள் சங்கா் இறந்து விட்டதாக தெரிவித்தனா். இதுகுறித்து, கிள்ளை போலீசாா் வழக்குப் பதிந்து, விசாரணை மேற்கொண்டுள்ளனா்
