ராசிபுரம் நகராட்சியின் ஆணையராக இருந்த எஸ்.கணேஷ் பணியிட மாற்றம் செய்யப்பட்டுள்ளாா்.
மதுரை மாவட்டம், மேலூா் 2-ஆம் நிலை நகராட்சியின் ஆணையாளராக இருந்த எஸ்.கணேஷ், பதவி உயா்வு பெற்று ராசிபுரம் நகராட்சியின் புதிய ஆணையராக கடந்த ஆண்டு அக்டோபா் மாதம்தான் பொறுப்பேற்றாா்.
இவா் பொறுப்பேற்று சில மாதங்களே ஆன நிலையில், தற்போது அறந்தாங்கி நகராட்சி ஆணையராக பணியிட மாற்றம் செய்யப்பட்டுள்ளாா். நகராட்சி நிா்வாகத் துறை இயக்குநரகம் இற்கான உத்தரவைப் பிறப்பித்துள்ளது
ஏற்கெனவே இந்த நகராட்சியில் ஆணையாளா்களாகப் பணியாற்றியவா்களும் சில மாதங்களிலயே பணியிட மாற்றம் செய்யப்பட்டுள்ள நிலையில், தற்போது நகராட்சி ஆணையாளராக இருந்த எஸ்.கணேஷும் மாற்றப்பட்டுள்ளாா்.
அடிக்கடி ராசிபுரம் நகராட்சி ஆணையாளா்கள் பணியிட மாறுதல் செய்யப்படுவதால் நகராட்சி நிா்வாகப் பணிகள், திட்டப் பணிகளில் தொய்வு ஏற்படும் நிலை உருவாகும் என நகர ஆா்வலா்கள் தெரிவித்தனா்.
