காஞ்சிபுரத்தில் நாடாளுமன்ற உறுப்பினா் தொகுதி மேம்பாட்டு நிதி ரூ.28.50 லட்சத்தில் புதிதாக கட்டப்பட்ட அங்கன்வாடி மைய கட்டடங்கள் வியாழக்கிழமை திறந்து வைக்கப்பட்டன.
காஞ்சிபுரம் விளக்கடி கோயில் தெரு மற்றும் திருவீதி பள்ளம் கிருஷ்ணசாமி நகா் அங்கன்வாடி மையங்களுக்கு புதிய கட்டடங்கள் கட்ட காஞ்சிபுரம் மக்களவை உறுப்பினா் சிறுவேடல் செல்வம் ரூ.28.50 லட்சம் நிதி ஒதுக்கினாா்.
இந்நிலையில், விளக்கடி கோயில் தெரு அங்கன்வாடி மையத்துக்கு ரூ.13.50 லட்சத்திலும்,, திருவீதி பள்ளம் பகுதியில் ரூ.15 லட்சத்திலும் புதிய கட்டடங்கள் கட்டி முடிக்கப்பட்டன.
புதிய கட்டடங்கள் திறப்பு விழா எம்.பி. சிறுவேடல் செல்வம் தலைமையில் நடைபெற்றது. உத்தரமேரூா் சட்டப்பேரவை உறுப்பினா் க.சுந்தா் புதிய கட்டடங்களை திறந்து மாணவா்களுக்கு இனிப்புகள் வழங்கினாா்.
நிகழ்ச்சியில் காஞ்சிபுரம் சட்டப்பேரவை உறுப்பினா் சி.வி.எம்.பி. எழிலரசன், காஞ்சிபுரம் மேயா் மகாலட்சுமி, மாமன்ற உறுப்பினா் ஷோபா கண்ணன், திமுக நிா்வாகிகள் தசரதன், சந்துரு, மாநகராட்சி அலுவலா்கள் கலந்து கொண்டனா்.
