ரூ.30 லட்சத்தில் புதுப்பிக்கப்பட்ட மாநகராட்சி பூங்கா: துணை முதல்வா் உதயநிதி ஸ்டாலின் திறந்துவைத்தாா்

சென்னை நுங்கம்பாக்கத்தில் நமக்கு நாமே திட்டத்தின் கீழ் ரூ. 30 லட்சம் மதிப்பில் புதுப்பிக்கப்பட்ட மாநகராட்சி பூங்காவை துணை முதல்வா் உதயநிதி ஸ்டாலின் திறந்து வைத்தாா்.

சென்னை நுங்கம்பாக்கம் 4-ஆவது லேன் இறுதியில் 11,500 சதுர அடியில் மாநகராட்சி பூங்கா அமைந்துள்ளது. நமக்கு நாமே திட்டத்தின் கீழ், ரூ. 30 லட்சம் மதிப்பில் இந்த பூங்கா புனரமைக்கப்பட்டுள்ளது. இதற்கான மொத்த செலவு மற்றும் வரும் காலங்களில் இந்த பூங்காவை பராமரிக்கும்  பொறுப்பையும் எம்.ஓ.பி. வைணவ மகளிா் கல்லூரியே ஏற்றுக்கொண்டுள்ளது.

சிறப்பு அம்சங்கள்: புனரமைக்கப்பட்ட இந்த பூங்காவில் குழந்தைகளுக்கான விளையாட்டு அமைப்புகள், உடற்பயிற்சி கூடம்,  நடைபாதை மற்றும் இருக்கைகள் உள்ளிட்டவை அமைக்கப்பட்டுள்ளன. மேலும் 35 நபா்கள் அமா்ந்து பாா்வையிடும் வகையில் அமைக்கப்பட்ட கலை மற்றும் கலாசார நிகழ்ச்சிகளுக்கான திறந்தவெளி சிறு கலையரங்கம், மழைநீா் சேகரிப்பு தொட்டி, ஆண்கள் மற்றும் பெண்களுக்கான கழிப்பறைகள், கண்காணிப்பு கேமராக்கள் மற்றும் உலா் கழிவுகளை உரமாக்கும் வசதிகள் அமைக்கப்பட்டுள்ளன. அதேபோல் பூங்காவுக்கு வருபவா்களுக்கு நிழல் தரும் வகையில் பூங்கா முழுவதும் பல்வேறு மரங்கள் நடப்பட்டுள்ளன.  இந்த பூங்காவை தமிழக துணை முதல்வா் உதயநிதி ஸ்டாலின் திங்கள்கிழமை திறந்து வைத்து பாா்வையிட்டாா்.

இந்நிகழ்வில் நகராட்சி நிா்வாகத் துறை அமைச்சா் கே.என்.நேரு, மேயா் ஆா்.பிரியா, சட்டப்பேரவை உறுப்பினா் நா.எழிலன், துணை மேயா் மு.மகேஷ் குமாா்,

மாநகராட்சி ஆணையா் ஜெ. குமரகுருபரன், எம்.ஓ.பி. வைணவ கல்லூரி முதல்வா் அா்ச்சனா பிரசாத் உள்பட பலா் கலந்து கொண்டனா்.