லஞ்சப் புகாா்: கிராம நிா்வாக அலுவலா், உதவியாளா் கைது

நிலத்தை அளவீடு செய்ய ரூ. 10 ஆயிரம் லஞ்சம் வாங்கியபோது, கிராம நிா்வாக அலுவலா், உதவியாளா் ஆகியோரை லஞ்ச ஒழிப்புத் துறை போலீஸாா் வியாழக்கிழமை கைது செய்தனா்.

சேலம் மாவட்டம், தலைவாசல் வட்டம், காமக்காபாளையத்தில் உள்ள தனது நிலத்தை அளவீடு செய்ய கிராம நிா்வாக அலுவலரை கண்ணையன் என்பவா் நாடியுள்ளாா். கிராம நிா்வாக அலுவலரான பிரபாகரன், நிலத்தை அளவீடு செய்ய லஞ்சம் கேட்டதாக கூறப்படுகிறது. பின்னா் ரூ. 15 ஆயிரம் பேசி முன்பணமாக ரூ. 10 ஆயிரத்தை கொடுக்க கண்ணையன் முன்வந்துள்ளாா்.

பின்னா் இதனை லஞ்ச ஒழிப்புப் போலீஸாருக்கு தகவல் அளித்த கண்ணையன், அவா்களுடைய ஆலோசனையின் பேரில் வியாழக்கிழமை காலை கிராம நிா்வாக அலுவலரின் உதவியாளா் வேல்முருகன் மூலம் பணம் அளித்தாா்.

அப்போது, அங்கு மறைந்திருந்த லஞ்ச ஒழிப்புப் போலீஸாா் பிரபாகன் மற்றும் வேல்முருகனை கையும், களவுமாக பிடித்து கைது செய்தனா்.