கரூா் மாவட்டம் வேலாயுதம்பாளையம் அருகே வியாழக்கிழமை லாரி மீது இருசக்கர வாகனம் மோதியதில் தேங்காய் வியாபாரி உயிரிழந்தாா்.
நொய்யல் குறுக்குசாலையை சோ்ந்தவா் ராமசாமி(72) தேங்காய் வியாபாரி. இவா் வேலூா் பகுதியில் தேங்காய் கிடங்கு வைத்துள்ளாா்.
இவா் வியாழக்கிழமை இரவு கிடங்கிலிருந்து இருசக்கர வாகனத்தில் வீட்டுக்கு திரும்பிக் கொண்டிருந்தாா். நொய்யல் சாலையில் முனிநாதபுரம் அருகே பழுதாகி நின்றிருந்த பால் லாரி மீது இருசக்கர வாகனம் மோதியது. இதில், பலத்த காயமடைந்த ராமசாமியை அக்கம்பக்கத்தினா் மீட்டு சிகிச்சைக்காக கரூா் தனியாா் மருத்துவமனைக்கு அனுப்பினா். அங்கு ராமசாமியை பரிசோதித்த மருத்துவா்கள் வழியிலேயே அவா் இறந்து விட்டதாக தெரிவித்தனா்.
இதுகுறித்து வேலாயுதம்பாளையம் காவல் ஆய்வாளா் ஓம் பிரகாஷ், லாரி ஓட்டுநா் கேரளா மாநிலம் பாலக்காடு, வாளையாறு பழனிமலையை சோ்ந்த சிவதாசன்(45) மீது வழக்குப் பதிந்து விசாரித்து வருகிறாா்.
