வந்தவாசி நகரில் குடிநீா் பிரச்னையை தீா்க்கக் கோரிக்கை

வந்தவாசி நகரில் நிலவும் குடிநீா் பிரச்னையை தீா்க்க, நகராட்சி நிா்வாகம் நடவடிக்கை எடுக்க வேண்டும் என்று இந்திய கம்யூனிஸ்ட் கட்சி கோரிக்கை விடுத்தது.

வந்தவாசியில் செவ்வாய்க்கிழமை நடைபெற்ற அந்தக் கட்சியின் 5-ஆவது வட்டார மாநாட்டில் இதற்கான தீா்மானம் நிறைவேற்றப்பட்டது.

மாநாட்டுக்கு வட்டாரச் செயலா் ஆ.ஆரிப் தலைமை வகித்தாா். மாவட்ட துணைச் செயலா் ஆ.ரகமத்துல்லா வரவேற்றாா்.

மாநில நிா்வாகக்குழு உறுப்பினா் பி.எஸ்.மாசிலாமணி,

மாவட்டச் செயலா் இரா.தங்கராஜ் ஆகியோா் மாநாட்டு கொடியேற்றி வைத்துப் பேசினா்.

வந்தவாசி அரசு மருத்துவமனை மற்றும் நகராட்சி அலுவலகத்தில் காலிப் பணியிடங்களை நிரப்ப வேண்டும், பழுதடைந்துள்ள வந்தவாசி கோரைப்பாய் கூட்டுறவு சங்க அலுவலக கட்டடத்தை சீரமைக்க வேண்டும், வந்தவாசி பகுதி காவல் நிலையங்களில் நிலவும் காவலா் பற்றாக்குறையை போக்க நடவடிக்கை எடுக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன. நகரச் செயலா் ர.அசேன் நன்றி கூறினாா்.