வளா்ச்சிப் பணிகளுக்கு அதிகாரிகள் ஒத்துழைப்புத்தர வேண்டும்: பொங்கலூா் ஒன்றியக் குழு தலைவா்

பல்லடம்: பொங்கலூா் ஒன்றிய பகுதியில் வளா்ச்சிப் பணிகளுக்கு அதிகாரிகள் தொடா்ந்து ஒத்துழைப்பு வழங்க வேண்டும் என ஒன்றியக் குழு தலைவா் எஸ்.குமாா் கோரிக்கை விடுத்தாா்.

பொங்கலூா் ஒன்றிய குழு சாதாரண கூட்டம் அதன் தலைவா் எஸ்.குமாா் தலைமையில் செவ்வாய்க்கிழமை நடைபெற்றது. ஒன்றியக் குழுத் துணைத் தலைவா் அபிராமி அசோகன் முன்னிலை வகித்தாா். ஒன்றிய ஆணையா் விஜயகுமாா் வரவேற்றாா்.

கூட்டத்தில் நடைபெற்ற விவாதம் வருமாறு:

ஜோதிபாசு ( சிபிஐ): வேலம்பட்டி சுங்கச்சாவடியில் தொங்குட்டிபாளையம் ஊராட்சி மக்களுக்கு இலவச பாஸ் வழங்க நடவடிக்கை எடுக்க வேண்டும். டி.ஆண்டிபாளையம் பகுதியில் பல்நோக்கு மைய கட்டடம் அமைக்க நிதி ஒதுக்க வேண்டும். பகுதி நேர ரேஷன் கடைக்கு இடம் தோ்வு செய்து ஓராண்டாகியும் செயல்பாட்டுக்கு வரவில்லை. ஊராட்சி பகுதியில் உள்ள அனைத்து கான்கிரீட் சாலைகளையும் செப்பனிட வேண்டும்.

லோகு பிரசாந்த் (திமுக): கோவை-திருச்சி தேசிய நெடுஞ்சாலையில் மாதப்பூரில் தற்போது அமைக்கப்பட்டு வரும் சுங்கச்சாவடியில் பொங்கலூா், மாதப்பூா், காட்டூா் ஊராட்சி மக்களுக்கு இலவச பாஸ் வழங்க நடவடிக்கை எடுக்க வேண்டும்.

எஸ்.குமாா் (ஒன்றியக்குழு தலைவா்):

கடந்த 5 ஆண்டுகளாக பாரபட்சம் இன்றி ஒன்றியத்தில் பல்வேறு பணிகளை சிறப்பாக செய்து முடித்துள்ளோம். இந்த கூட்டம் நமது ஒன்றியக்குழுவின் நிறைவு கூட்டமாகும். அனைத்து ஒன்றிய குழு உறுப்பினா்களுக்கும் ரூ.85 லட்சம் முதல் ரூ.1 கோடி வரை வளா்ச்சிப் பணிகள் மேற்கொள்ள நிதி ஒதுக்கப்பட்டது. அதிகாரிகள், தொடா்ந்து வளா்ச்சிப் பணிகளை செய்வதற்கு எங்களுக்கு ஒத்துழைப்பு கொடுக்க வேண்டும். பொங்கலூா் ஊராட்சி ஒன்றிய அலுவலக பழைய கட்டடத்தில் சாா்பதிவாளா் அலுவலகம் அமைக்க அதிகாரிகள் இடம் பாா்த்து சென்று உள்ளனா். இது குறித்து பரிசீலனையில் உள்ளது. சுங்கச்சாவடிகளை ஒட்டி உள்ள ஊராட்சிப் பகுதிகளில் உள்ள வாகனங்களுக்கு இலவச பாஸ் வழங்குவதற்கான முயற்சிகள் எடுக்கப்படும் என்றாா்.

இந்தக் கூட்டத்தில் ஒன்றிய குழு உறுப்பினா்கள் சுப்பிரமணி, துளசிமணி, மலா்விழி, கவிதா, ராஜேஸ்வரி உள்பட பலா் கலந்து கொண்டனா். கூட்டத்தில் 20 தீா்மானங்கள் நிறைவேற்றப்பட்டன. வட்டார வளா்ச்சி அதிகாரி (கிராம ஊராட்சி) ஜோதி நன்றி கூறினாா்.